Хөлбөмбөгийн 2018 оны ДАШТ-ий F хэсгийн БНСУ-Мексикийн халз тоглолт урд шөнө Ростов хотын "Ростов арена”цэнгэлдэх хүрээлэнд болж 2:1-ээр мексикчүүд хожсон билээ.
Энэхүү тоглолтыг ОХУ-д айлчилж байгаа БНСУ-ын Ерөнхийлөгч Мүн Жэ Ин гэргийн хамт үзсэн юм.
Шүүгчийн сунгасан 5 минутын 3 дахь минутад БНСУ-ын тамирчин Сон Хён Мин гоол оруулав. Тэрбээр шигшээ багийн тоглолтдоо 69 дэх удаа оролцон, 22 дахь гоолоо оруулсан нь энэ юм. ,
Тэгвэл уг тоглолтын дараа Солонгосын шигшээ багийн довтлогч Сон Хён Мин ДАШТ-д ялалт авч чадаагүйдээ харамсан Ерөнхийлөгчөөсөө уучлал гуйжээ. Түүний хувьд энэ удаа багаараа ялж чадаагүй ч нэр төрийн гоолыг хийж, Английн Премьер Лигийн бүтээгдэхүүн гэдгээ баталж чадлаа.