Аз жаргалгүй, гунигтай байна гэдэг амаргүй. Олон хүн аз жаргалгүй үедээ зовлонгоо мартаж, сатаарахыг хүсдэг. Тэгвэл Solve for Happy буюу “Аз жаргалын төлөө шийдвэрлэ” номын зохиолч Мо Гаудатын хэлснээр асуудалтайгаа нүүр тулах хэрэгтэй аж. Гаудат “Аз жаргалыг тань булаасан зүйл рүү зочлон оч” хэмээн Нью Йорк хотод тавьсан илтгэлдээ хэлжээ. 

Хүний гэдэс өвдөхөд идсэн зүйлсээ эргүүлэн санаж, бүртгэдэг шүү дээ. Биеийн зовиурыг мэдэх илүү амар байх нь мэдээж. Тиймээс эхний ээлжинд өөрөөсөө “Сэтгэл санаа минь зүгээр байна уу, үгүй юу?” гэж асуух хэрэгтэй гэнэ. Ноён Гаудатын санаа боломжгүй мэт санагдаж болох ч “Сорилын сэтгэлзүй” сэтгүүлийн наймдугаар сарын дугаарт нийтлэгдсэн судалгаа батлана. 

Бид аз жаргалтай байхын тулд сэтгэлээр унадаг байх хэрэгтэй ажээ. Энэхүү судалгаагаар Хятад, Бразил, Америкийн их сургуулийн насны 2300 хүнийг хамруулсан байна. Судлаачид тэднээс мэдрэхийг хүсдэг сэтгэл хөдлөл, мөн алийг нь илүү их мэдэрдгийг асуужээ. Гэтэл амьдралаас илүү их сэтгэл ханамж хүсдэг оюутнууд бодит байдалд сэтгэл санааны байдал нь тогтворгүй болдог. Харин сэтгэл хөдлөлөө хүлээн зөвшөөрч, тэмцэх арга зам хайвал илүү аз жаргалтай байдаг гэнэ. 

Share