Бид амьдралын зөв хэв маягийг хэвшил болгож, шаардлагатай витаминуудыг хэрэглэснээр эрүүл, эрч хүчтэй байж чаддаг. Үүний адилаар хуримтлалыг зуршил болгох нь санхүүгийн дархлааг дэмжиж, ямар ч сорилттой цаг үеийг ажралгүй давах санхүүгийн витамин болж өгдөг. Өдөр тутмынхаа хэрэглээг ухаалгаар шийдэж, ирээдүйн ямар ч нөхцөл байдалд бэлэн байх шаардлагатай хүн бүр тулгардаг. Тэгвэл Голомт банк иргэдийг хуримтлалтай болгох, санхүүгийн дархлааг нь дэмжих зорилгоор “Витамин ₮” хадгаламжийн урамшуулалт аяныг зарлалаа. 

Аянд иргэдийн бүх төрлийн төгрөгийн, хугацаатай хадгаламж хамаарах бөгөөд харилцагчдын хуримтлуулах зуршлыг дэмжих зорилгоор шинээр нээсэн болон хадгаламжиндаа орлого нэмсэн 100,000 төгрөг тутамд 1 сугалаа, хадгаламжаа сунгасан мөнгөн дүнгийн 200,000 төгрөг тутамд 1 сугалаа олгохоор болжээ. 

Сугалааны супер хонжворын азтан Nissan Leaf цахилгаан автомашины эзэн болно. Тохирлыг 2020 оны 10 дугаар сарын 10-н болон 12 дугаар сарын 26-ны өдрүүдэд шууд дамжуулан тодруулна. Харин бусад хонжворыг Голомт банкны Фэйсбүүк хуудсаар энэ оныг дуустал нийт 10 удаагийн live хийж тодруулна. Live бүрт Mi Electric цахилгаан скүтер M365, Huawei P30 ухаалаг гар утас, Amazfit Stratos 3 ухаалаг цаг, худалдан авалтын 10 ш эрхийн бичгийн эздийг шалгаруулах юм. 


Сугалаа шалгах, аяны талаар дэлгэрэнгүй мэдээлэл авах сувгууд:

  1. www.loyalty.golomtbank.com вэб хуудасны “Урамшуулалт аян” цэс дээр регистрийн дугаар, банканд бүртгэлтэй утасны дугаарт ирсэн баталгаажуулах кодыг оруулан урамшуулалт аяны дэлгэрэнгүй мэдээлэл, өөрийн сугалааны тоо, дугаар, идэвхтэй эсэх мэдээллийг авах боломжтой. 
  2. Сугалааны дугаарын мэдээлэл 2 өдрийн давтамжтай вэб сайтад байршина. Өөрөөр хэлбэл та өнөөдөр хадгаламжиндаа орлого хийсэн бол сугалааныхаа дугаарыг нөгөөдөр харах боломжтой гэсэн үг юм. 
  3. 1800-1646 харилцагчийн үйлчилгээний төвтэй холбогдон дэлгэрэнгүй мэдээлэл авах боломжтой.

Эрүүл мэндийн дархлаагаа амьдралын зөв хэмнэл, витаминаас авдгийн нэгэн адилаар санхүүгийн дархлаагаа ч мөн санхүүгийн сахилга баттай байж, хуримтлалаар дэмжин азтан болоорой. 

#СанхүүгийнДархлаагааДэмжье