Монгол Улсын Шадар сайд С.Амарсайхан өмнө нь БЗД-ийн 133 сургууль, 142 дугаар сургуулийн байранд дахь ковидийн шинжилгээ авч буй шинжилгээний цэгүүдэд  очиж ажилласан. 

Энэ үеэр шинжилгээний баг, эмнэлгийн албан хаагчид, иргэдийн санал хүсэлтийг сонссоны үр дүнд иргэдээс авч буй шинжилгээний хариуг түргэн гаргах, тоо багтаамжийг нэмэгдүүлэхийг үүрэг болгожээ. 

Тэрбээр шинжилгээний цэгүүдэд ажилласныхаа дараа "Шинжилгээ өгөх иргэд олон байхад цаг байхгүй гээд яриад сууж болохгүй. Шинжилгээ өгч буй иргэдийн тоо, ажиллаж буй хүчин чадлыг нэмэгдүүлэх боломж байна. 

Улс орны хэмжээнд онцгой нөхцөл байдал үүсчихээд байхад ердийн ажлын цагаар өглөөний 09:00-17:00 цагийн хооронд л сорьц авна гэсэн амралтын байдалтай ажиллаж болохгүй. 

Эрүүл мэндийн сайд шинжилгээний хариуг өдөрт нь гаргах, шинжилгээний цэгүүдийн цагийн хуваарийг уртасгах ажлыг нэн даруй хий. Мөн энэ ажлын бүх мэдээллийг иргэдэд ил тод нээлттэй мэдээллээр хангаж эргээд хяналт тавих зохион байгуулалттайгаар хэрэгжүүл" гэв.

Share