Улаанбаатараас орон нутаг руу зорчих хөдөлгөөнийг өнөөдөр буюу 03 дугаар сарын 01-ний 00:00 цагаас нээлээ. Хөдөлгөөн нээхтэй холбоотойгоор өмнө нь Шадар сайд С.Амарсайхан орон нутгийн удирдлагуудад бэлтгэлийг хангаж, иргэдэд чирэгдэлгүй үйлчлэхийг үүрэг болгосон.

Хөдөлгөөнд оролцох иргэн та хувийн автомашинаар болон нийтийн тээврээр орон нутаг руу зорчихдоо ПСР-ын шинжилгээ өгсөн байх бөгөөд шинжилгээний хариу сөрөг гарсан буюу халдваргүй гэдгээ нотолсон байх үүрэгтэй юм. 

Ингэхдээ шинжилгээний хариу гарснаас хойшхи хугацаа 72 цаг өнгөрөөгүй байх ёстой. 

Хэрвээ ПСР-ын шинжилгээний хугацаа 72 цаг хэтэрч, дууссан бол хүлээн авагч аймаг орон нутгийн асуудал хариуцсан албаныхан иргэдээсээ түргэвчилсэн тест авч оруулах эрх нь нээлттэй.