Ордуудын 2019 оны зургадугаар сарын зурхайг хүргэж байна.

Хонь

Энэ сарын эхээр урт хугацааны төлөвлөгөөгөө шийдэхэд хүндрэлтэй байна. Гэр бүлийн хүрээнд үүссэн гэнэтийн зарлага багагүй төвөг удна. Хайхрамжгүй байдлаас мөнгө алдвал сэтгэлээр унаж, ужиг өвчин сэдэрч болзошгүй. Бясалгалаар хичээллэж, тархиа сэргээ. Дарамт болон сэтгэл зовоосон асуудлаа арилгах нь эрүүл аз жаргалтай амьдралыг авчирна. 

Сарын дунд үед иихэнхи хониныхонд санхүүгийн асуудлууд анхаарлын төвд байна. Ажлын тань ачаалал нэмэгдэх тул илүү цагаар ажиллахад бэлтгэлтэй байгаарай. Та хэрэв чин сэтгэлээсээ хүсэж л байвал хайртай хүнтэйгээ тасалсан харилцаа холбоогоо буцаан сэргээх болно. Хайртай хосуудад романтик байдал нь маш сайн итгэлцэл бий болгоно. Идэвхтэй амралт, дасгал хөдөлгөөн, эрүүл агаар зэргийг хослуул. Таагүй өдөөн хатгалгад бүү авт. Хэрвээ та шийдэмгий байдлаа дипломатч авьяастайгаа хослуулж чадвал сайн үр дүнд хүрнэ. Эрүүл мэндийн тал дээр анхаарал хандуулах хэрэгтэй болно. Хэрэглэж буй хоол хүнснийхээ найрлагыг эргэн хараарай. Сарын сүүл рүү өөрийн хийсэн үйлдлийнхээ төлөө хариуцлага хүлээхэд бэлэн бай. Мөргөл бясалгал үйлдэж, алив муу зүйлийг тэвч. 

Олон нийтийг хамарсан найр наадмаас хол яв. Гэмтэх эсвэл өвчлөх магадлалтай тул болгоомжтой бай. Хайртай хүнтэйгээ үүсгэсэн маргаан, үл ойлголцлоо хамт суугаад ярилцвал шийдэж болох байх. Од эрхэс хуурмаг хандлага илгээнэ. Хэд хэдэн сорилттой тулгарах учраас аль болох тайван байхыг хичээгээрэй. Зарим үед зөн билэгтээ илүү найд.


Үхэр

Сарын эхээр од эрхэс өөрийн сонирхлоо идэвхтэй хамгаалж буулт хийлгүй хэн нэгний эрхшээлд орохгүй байхыг зөвлөж байна. Танд шинэ ажил зохион байгуулах, санхүүгийн хүндрэлээс гарах гарц олох хангалттай эрч хүч байгаа тул илүү идэвхтэй бай. Гэнэтийн ажил хэрэг таныг нэлээд завгүй гүйлгэх бололтой. Хайр сэтгэлийн харилцаа бэрхшээлтэй учирна. Зуурдын янаг амрагийн асуудалд орохгүй байхад анхаарал хандуул. 

Сарын дунд үед хайртай хосуудын хувьд харилцаагаа цаашид тогтворжуулах том шийдвэр гаргаж магадгүй. Харин ганц бие хүмүүсийн хувьд бусдын анхааралд өртөх болно. Таны амьдралын өнөөгийн байр суурийг үндсээр нь өөрчлөх гэнэтийн мэдээ хүлээн авч магадгүй. Эрүүл мэнддээ анхаарлаа хандуул. Цаг уур гаднын нөлөөнд тохирох хоол хүнс хэрэглэ. Ажил хэрэгч үхрийнхэн шаргуу ажиллах нь олон асуултын хариуг өгнө. Зарим хүмүүст томоохон албан тушаалд томилогдох боломж олдоно. Од эрхэс тун уян хатан дээд зэргийн мэдрэмжтэй байхыг зөвлөж байна. Сарын сүүлээр ажилд орох болон ажлаа өөрчлөхтэй холбоотой асуудалд аз дайрах магадлал өндөр байна. Ажлын уулзалт хэлэлцээр хийх хүмүүс өөрийнхөө байр суурийг маш тодорхой болго. Сэтгэл санаа тогтворгүй байна. Ухаалгаар шийдэх асуудлыг хойшлуулах шаардлагатай. 

Зөн билэг, ухаалаг тооцоо чинь нөхцөл байдлыг зөв үнэлж, таны байр суурийг тодорхойлж өгнө. Хууртах сатаарах зэргээр замын хагаст ажлаа орхих магадлал байна. Асуудалтай хөрөнгө оруулалт болон санхүүгийн харилцаатай холбоотой аливаа уулзалтыг хойшлуул. Урлаг, уран сайханд суралцах, уран бүтээл туурвих, шинжлэх ухааны ажил хийх зэрэгт ээлтэй. Од эрхэс авьяас билгээр таныг ивээж байна.


Ихэр

Энэ сарын эхээр гэрээ хэлэлцээр, бичиг баримттай холбоотой ажил нь шийдэх асуудлыг үүсгэнэ. Од гарагсын нөлөөгөөр оюун санаанд хүчтэй өөрчлөлт гарч, амьдралынхаа чиг хандлагыг тодорхойлоход дөхөм болно. Удирдлага болон түншүүдтэйгээ муудалцаж болзошгүй. Хайр сэтгэл ойрхон байна. Ганц бие хүмүүс заяаны ханьтайгаа учирна. 

Сарын дунд үед хайр сэтгэлийн учралд азтай байх болно. Ойрын үед тохиолдсон хайр дурлалын таагүй асуудлыг романтик харилцаа сайжруулах болно. Худалдан авалтад мөнгө үрэх нь тийм ч тохиромжгүй үе биш. Таны уян хатан бус болон хэт шаргуу байдал нь үр ашигтай үйл ажиллагаанд саад болох болно. Ажлын шинэ санаа санал хүлээн авах боломжтой. Энэ нь танд хожим ашигтай байх болно. Сарын сүүлээр танд багаар ажиллах болон, ажлын харилцааг эерэг тал руу нь эргүүлэх эрч хүч дүүрэн байх болно. Од эрхэс таны сайн удирдах чадварыг баталж байна. Гэхдээ дуртай зүйлээ хийхийн тулд хэт шаргуу байхаас зайлсхий. 

Од гарагийн нөлөө ар араасаа шийдэх асуудлыг танд илгээнэ. Эрүүл мэндээ анхаарахгүй бол бие тавгүйтэх эсвэл архаг хууч сэдэрч болзошгүй байна. Сэтгэл хөдлөлөө хяна. Ганц бие хүмүүс эсрэг хүйсийн хүнтэй харьцах харилцаагаа анхаар. Мөнгөө дэмий үрэхгүйгээр хөгжилтэй байх арга олдоно.


Мэлхий

Энэ сарын эхээр оддын хөдөлгөөний нөлөөгөөр санхүүгийн зарим нэг алдагдал хүлээж магадгүй. Та эд зүйл худалдан авах нь ашиггүй зарлага болно. Тэвчээртэй байхгүй бол эргэн тойрны хүмүүстэйгээ муудалцана. Таныг шүүмжлэл нөмрөх бололтой. Та гэр орны болон санхүүгийн асуудлуудаа шийдэхийн тулд их эрч хүч зарцуулж ядарна. Үр хүүхдүүд танд амар амгалан байдал баяр баясгалан авчирна. 

Сарын дунд үед хэрвээ таны удирдлага таны ур чадварыг олж харж чадахгүй байвал таныг үнэлж чадахуйц өөр ажилд ор. Гэр бүлд харилцаа холбоотой асуудал гарч болзошгүй. Ойр дотнын хүнийхээ гомдлыг тайлж чадвал байдал сайжирч эрч хүч нэмэгдэнэ. Хэт яарснаас болж гэмтэж бэртэхээс болгоомжил. Худалдан авалт хийхдээ буруу тооцоо хийх магадлалтай байна. Томоохон наймаа арилжаа хийхээс өмнө бүх эрсдэлээ тооцож үз. Уран бүтээлч хүмүүсийн хийсвэр сэтгэлгээ ундран оргилно. Сарын сүүл рүү од гарагс хоорондоо нөлөөлснөөр таны хайр сэтгэл болон санхүүгийн асуудал тогтворгүй болно. Гэр бүлтэй хүмүүст хүүхдийн хүмүүжил анхаарал татна. Биеэ зөнд нь орхихгүй байхыг хичээ. 

Хэрэгцээгүй зүйлд хэт их мөнгө зарцуулахаас татгалз. Чухал шийдвэр гаргахаа хойшлуул. Шинэ танилтай болохоос татгалз. Зүүд зөнтэй байх тул биелэх магадлалтай. Хуурмаг амлалттай хүмүүстэй холбогдох магадлалтай. Эрүүл мэндээ хамгаал. Чанартай хүнс хэрэглэж буй эсэхдээ анхаар. Ужиг өвчин хүндэрч болзошгүй.


Арслан

Энэ сарын эхээр таны нэр хүнд аз авчирна. Иймээс эрх мэдэлтэй хүмүүстэй холбоо тогтоохдоо бүү эргэлз. Ихэнх хүмүүс тулгараад байгаа саад бэрхшээлээ хурдан арилгах тул орлогоо өсгөх болно. Гэр бүл ойр дотнынхныгоо хайрлах эрч хүч ундарна. Тархи толгойн өвчин болон үе мөчний хүрэхээс өөрийгөө хамгаалж урьдчилан сэргийлээрэй. Од эрхэс асуудал бэрхшээлийг хойш тавилгүй өөрт төрсөн зөн мэдрэмжид болгоомжтой хандахыг зөвлөж байна. 

Харин сарын дунд үед ямар ч ажилд хууран мэхлэлт дагалдах тул анхааралтай бай. Бүтэшгүй хоосон санаа нь зөвхөн өдөөн хатгалга байна шүү. Од эрхэс хөрөнгө оруулалтын асуудалд маш хянамгай ухаалаг байхыг шаардаж байна. Хайртай хүндээ дотоод ертөнцөө нээх хүсэлтэй байж магадгүй. Таны оюуны чадавх хурц байна. Эрүүл мэнд анхаарлын төвд байх ёстой шүү. Архи дарс уух, амьтны гаралтай хоол идэхэд зохимжгүй. Буян хийхэд сайн. Ядарч яваа нэгэнд зовж явахад тусал. Сарын сүүл рүү таны хүсэл мөрөөдөл хэт уран зөгнөлийг илтгэж байна. Эрч хүчээ гамнаж тайван бай. Гэр бүлийн хүн, эсвэл ойр дотнын хэн нэгнээс гэнэтийн дарамт үзүүлж болзошгүй. 

Хэт их ажлын ачааллаас болоод сэтгэл санааны тавгүйтэлд орж байна. Эрүүл мэнддээ анхаар. Хувийн амьдралдаа шинэчлэл өөрчлөлт хийх гэвэл хайр дурлалд толгойгоо алдах магадлалтай. Нинжин сэтгэл гаргавал хайр дурлалдаа ахиц гаргана. Өөрийн үйл ажиллагаандаа хэт шүүмжлэлтэй хандах хэрэггүй. Өөртөө анхаарал халамж тавь. Хэрэггүй зүйлээсээ татгалзаж цэвэрших нь ашиг тустай. Зөн билэг, эрүүл саруул ухаандаа найд.

Охин

Энэ сарын эхэн үед эцэг эх охиныхон үр хүүхдүүддээ илүү их анхаарал тавих хэрэгтэй. Найз нөхдөд тань тусламж хэрэгтэй бол ажил гэхээсээ илүү тэдэнд туслах нь зүйтэй. Таны амьдралын хурд нэмэгдэж эхэлнэ. Эрсдэл хийлгүй өөрийнхөө бодит, хашир байдлаа хэвээр хадгалж үлд. Таны нэр хүнд өсөж байгаа хэдий ч та сэтгэл хөдлөлөө илэрхийлэхдээ болгоомжтой байх хэрэгтэй. Эрүүл мэнддээ анхаарал тавихгүй бол хожимдсон хойно нь амаа барив. 

Сарын дунд үед бусдыг өөртөө татах чадвартай байна. Гадаад төрх дур булаам байх тул хайр дурлалд амжилтаар дүүрэн байна. Халдварт өвчинд өртөж болзошгүй. Гэмтэл авах осолд орох магадлалтай. Өөртөө итгэлтэй байсан ч ухаалаг шүүмжлэлд сөрөг байдлаар хандахаас зайлсхий. Үнэн худлыг ялгаж харах нь таны дотоод зөн совингоос шалтгаална. 

Сарын сүүлээр та гэр орноо өөрчлөх, тав тухтай байдлыг эрхэмлэх тал дээр ихийг хийх хүсэл эрмэлзэл хүч чадлаар дүүрэн байна. Та гэр орноо шинэчлэх, барилга байшин барих гэж байгаа бол энэ ажлаа эхлүүлж болно. Од эрхэс шинэ ажил эхлэх эсвэл нэмэлт үүрэг даалгавар авахгүй байхыг зөвлөж байна. Олон хүн цугласан газар, олон нийтийн үйл ажиллагаанаас татгалзахыг хичээ. Гэнэтийн нөхцөл байдлаас болж эрүүл мэнд муудаж магадгүй.


Жинлүүр

Энэ сарын эхээр ээдрээтэй зүйлс тохиолдоно гэдгийг од эрхэс танд сануулж байна. Харилцаа холбоонд буруу ойлголцол болон саад тотгор гарч магадгүй. Шударга бус хүмүүстэй харилцах нь олон таагүй явдлуудын эхлэл байх магадлалтай. Бэрхшээлтэй асуудлыг шийдэх гэж улайрах хэрэггүй. Гэмтэж бэртэхээс өөрийгөө хамгаал. 

Энэ сарын дунд үед таны санал төлөвлөгөө дэмжигдэх болно. Харин албан хэргийн бичиг баримттай ажиллахдаа хэт бие дааж шийдэх хэрэггүй. Орлого нэмэгдэнэ. Эрч хүчээ хэрэгтэй зүйлд зөв зарцуулж, хүрнэ гэж зорьсон зорилгоо эцсийн байдлаар тодорхойлоорой. Од эрхсийн хөдөлгөөн танд хэд хэдэн хоорондоо давхцах үйл явдал тохиолдохыг билэгдэнэ. Хувийн харилцаа таны ажилд ихээхэн хүндрэл гаргана. Зөрчилтэй хосууд хоёр тийшээ харна. 

Сарын сүүл рүү хөрөнгө оруулалтаас тогтмол ашиг олох боломж байна. Хувийн амьдралд өөрчлөлт шаардана. Ганц бие хүмүүс хэн нэгэн онцгой хүнтэй учрах сайхан боломж байна. Үр хүүхэд хүсч буй жинлүүрүүд сайхан мэдээ дуулах болно. Од эрхэс таны мөнгөн шагнал болон үнэтэй бэлэг авч болзошгүйг билэгдэж байна. Аливаа өөрчлөлтөд бэлэн байж, сэтгэл санаагаа өөдрөг байлгахыг хичээ.


Хилэнц

Энэ сарын эхэн үед үр хүүхдүүддээ туc дэм үзүүлэх шаардлага гарна. Тэдний хүмүүжил сурлагын төлөө цаг заваа зарцуулах хэрэгтэй. Бүтээлч эрч хүч эрс суларснаас нямбай боловсруулсан төлөвлөгөө ч нуран унаж болзошгүй. Хайрын харьцаанд сэтгэл гонсойно. Бусдын нөлөөнд хэт автах магадлалтай. Бие махбодын ачаалалаа тохируул. Од эрхэс таны хайрын харилцаанд гарсан бэрхшээлийг шийдэхэд туслах болно. 

Сарын дунд үед амьдралын эрч хүч өндөр төвшинд байна. Бодит байдлыг эрүүлээр дүгнэх нь сайн ч зөн билэг ч бас нэгийг хэлнэ. Аз жаргалтай хүн байхыг хүсэж байгаа л бол өөртөө зарим шаардлагыг тавь. Мөнгөөр бусдыг дүгнэх хэрэггүй. Хайр сэтгэлийн харилцаандаа анхаар. Та гэр бүлдээ анхаарал тавих цаг иржээ. Таны хүүхдүүд ажлаасаа цаг зав гаргах шаардлагатай болгоно. Таны хувийн амьдралд таагүй нөлөө үзүүлэх гэнэтийн нөхцөл байдлаас болгоомжлохыг од эрхэс анхааруулж байна. Сарын сүүл рүү нийгмийн үйл хэрэгт хөнгөн хөгжилтэй оролцох нь зугаатай байх бололтой. Аюултай хүмүүс болон харанхуй газраас хол байсан нь дээр. Ямар ч даалгаврыг биелүүлэх эрч хүч танд байна. Гэхдээ хэнд ч амлалт өгөх хэрэггүй. Бичиг баримт бүрдүүлэх гэрээ хэлцэл хийх зэрэг ажлуудаа хойшлуул. 

Өөрийг тань шүүмжилсэн хүнд бүү эмзэглэ. Олон хүнтэй харьцах бол нянгийн эсрэг дархлаагаа сайжруулах хэрэгтэй. Эрсдэлтэй алхам хийх, түрэмгий үйлдэлд оролцох зэргийг цээрлэ. Ямар ч тохиолдолд эрс шийдвэр бүү гарга. Хайр дурлалын асуудал сайнаар шийдэгдсэнээр амьдралд аз жаргал ирнэ. Хайртай хүнтэйгээ бүрэн ойлголцох болно.


Нум

Энэ сарын эхээр хайрын романстай холбоотой асуудал хөндөгдөнө. Хувийн амьдрал болон оюун санаагаа хөгжүүлэхэд цагаа зориулахыг од эрхэс зөвлөж байна. Зарим асуудалд буулт хий. Гэр бүлийнхэнтэйгээ сэтгэл дундуур байгаа асуудлаар нь илэн далангүй ярилц. 

Сарын дунд үед санхүүгийн алдагдалд орж болзошгүй. Санхүүгийн буруу тооцоо хийх, хулгайд эд зүйлээ алдах, томоохон ашиггүй зарлага гарч магадгүй. Эрсдэлтэй хөрөнгө оруулалт амжилт олох магадлал тааруу байна. Өөрийн ажил хэргээ үр ашигтай төлөвлөх хүчээ зөв хуваарилах нь таагүй явдлаас зайлсхийхэд тусална. Сарын сүүлээр таны ойр дотнын хүмүүсийн хүрээлэлд худал мэдээлэл ирснээр гэр бүлийн харилцаа эрс хүйтэрнэ. Хайртынхаа эсвэл дотнын хүнийхээ шинэ танилууд, найзуудад анхаарал болгоомжтой хандахыг од эрхэс танд зөвлөж байна. Ганц бие эрчүүдэд бусдын хайрыг татаж чадах сайхан боломж гарч ирнэ. Залуу эцэг эхчүүд нялх үрсдээ илүү их анхаарал тавих хэрэгтэй. 

Таагүй зүйлд орооцолдохгүйн тулд буруу хүсэл сонирхолдоо бүү авт. Удирдах албан тушаалтантай харьцахад бэрхшээл гарна. Ашиг орлого олно. Гэхдээ зарлагаа сайн хянах хэрэгтэй. Хов жив болон муу санаатнуудын далд явуулгатай холбоотойгоор таны байр сууринд гэнэтийн эрс өөрчлөлт гарч болзошгүй.


Матар

Энэ сарын эхээр гэр бүлийнхэнтэйгээ харьцах харьцаа сайжирч харилцан сэтгэл ханамжтай болно. Хэрэглэж буй хоол хүнсэндээ анхаарч, архи дарсыг бүү хэтрүүл. Оддын хандлага тодорхой чиггүй байж, таатай таагүй явдлууд зэрэгцэнэ. Таны тэвчээр хэрсүү зангаас цаашдын бүх ажлын амжилт шалтгаалах болно. Сарын дунд үед хайр дурлалын сэтгэл гонсойлгосон явдал танд муугаар нөлөөлнө. Хуучны дурсамжуудыг өөрийн мэдэлгүй сэргээж, өнгөрсөнд харамсах болно. 

Гэр бүлдээ цаг гарга. Үр хүүхдүүдтэй холбоотой үүргээ биелүүл. Дотнын хүмүүс ба түншүүдтэйгээ муудалцаж болзошгүй. Сэтгэл хөөрлөө барь. Эрүүл мэндээ онцгой анхаарахгүй бол биеийн байдал муудах магадлалтай. Сарын сүүл рүү зөн билгээ мэдэрч далд совингийн илүү их зүйлийг мэдэхийг хүсэх болно. Хүсэл мөрөөдөлдөө цаг гаргаж, итгэл найдварынхаа төлөө залбир. Харилцаанд үл ойлголцолд хүрч асуудал хүндэрч магадгүй. Хэрэв гэрээнд гарын үсэг зурах гэж байгаа гэрээний хууль зүйн асуудалд мэргэжлийн хүнээр шалгалт хийлгэ. Та зуурдын хайрын учралаа хянахгүй бол маргааш харамсаж магадгүй. 

Хэрвээ та ганц бие бол хайр дурлалын шинэ адал явдалд бэлэн байгаарай. Хуучны хайр дурлалын харилцаагаа сэргээх магадлалтай. Эрүүл мэнддээ сайтар анхаарч сайн амарч байх чухал. Та биеийн дархлаагаа сайжруулж дэмжих цаг нь болжээ. Хариуцлагаа ухамсарлаж, үр хүүхдийнхээ эрүүл мэндэд сайн анхаар.


Хумх

Энэ сарын эхээр сул дорой байдал нь алдаа гаргаж шүүмжлэлд хүргэнэ. Бялдууч зан нь таны нэр хүндийг алдагдалд хүргэнэ. Дарга удирдлагууд таны мэдрэлийн тогтолцооны бат бэхийг шалгана. Дотоод зөрчил, эргэлзээ таныг зовооно. Хайр дурлалын асуудал үйл явдал өрнөл багатай байна. Ганц бие хүмүүс боломжийн хамтрагчтай уулзах магадлалтай. Энэ сарын дунд үед од гарагс эд хөрөнгөтэй болох урам зоригоор таныг хангах болно. 

Таны хичээл зүтгэлийн үр дүнд хуучин зээлүүд тань хаагдах бөгөөд санхүүгийн аюулгүй байдал сэргэх болно. Од эрхэс таны эрүүл мэндэд аюул заналхийлж буйг анхааруулж байна. Биеийн ба сэтгэл санааны хэт ачаалал авах, эрсдэлтэй үйл ажиллагаа явуулах, цахилгаан багаж хэрэгсэлтэй ажиллах, машинаар хурдан давхихаас зайлсхий. Албан тушаалын төлөө ханцуй шамлан дайрах хэрэггүй. Ганц бие хүмүүс романтик урилгад болгоомжтой хандах хэрэгтэй. Үр хүүхэдтэй болохыг хүлээж байсан хосууд энэ талаар нааштай мэдээ авна. Сарын сүүлээр олныг хамарсан үйл ажиллагаа танд таатай мэдрэмжийг төрүүлэх хэдий ч их мөнгө үрж магадгүй тул та анхааралтай байгаарай. Дарга удирдлагаас зэмлэл ирж мэднэ. 

Бүх зүйл таны эсрэг байхад хэн таны талд орохын хараад гайхах болно. Тус дэм болж байгаа хүмүүст цаг алдалгүй талархсанаа илэрхийл. Эрүүл мэнддээ анхаар. Архаг хууч сэдэрч магадгүй. Мөргөл бясалгал хийж бай. Сэтгэл гутралд нэрвэгдэх магадлалтай тул хар энергитэй хүмүүсээс аль болох хол байгаарай. Ямар нэгэн алдаа нь хор уршиг ихтэй байх болно.


Загас

Энэ сарын эхээр хэт сэтгэл хөдлөл үндэслэлгүй дүгнэлт гаргах тул эргэн тойрныхонтойгоо харьцах харьцаанд зөрчил гарна. Хортой харилцаа холбооноосоо татгалз. Эрүүл мэндээ анхаар. Хоолны дэглэмдээ өөрчлөлт оруулж, бүү хэтрүүл. Таны авьяас чадвар салбартаа тодорч бусдад гайхагдана. Хайр сэтгэлээ хайж байсан ганц бие хүмүүс хүссэн хүнтэйгээ учирна. 

Энэ сарын дундуур хувийн амьдралд ч албаны ажилд ч олон шалгуурууд гарч ирэх бөгөөд та хийсэн зүйлүүдээ эргэн нэг харах хэрэг гарна. Анхаарал болгоомжтой байж тохиолдож болзошгүй сайн муу аль ч гэнэтийн зүйлүүдэд бэлэн байгаарай. Дотно хүмүүстэйгээ харилцахдаа гаргасан алдаа нь цаашид хүндэрч болзошгүй. Хэрвээ та нөхцөл байдлыг зөв дүгнэж, өөрийн зөв гэдэгт эргэн тойрныхоо хүмүүст итгүүлж чадвал танд амжилт ирнэ. Сарын сүүлээр хайрын харилцаанд сэтгэл хөдлөм үйл явдал болно. Гэр орны тохижилтоо сайжруулснаар ханьтайгаа сайхан харилцаа тогтоох давуу тал болно. Мөнгөтэй холбоотой асуудал хурцаар тавигдах бололтой. Мөнгөө өөр зүйлд зарах болсонд харамсах хэрэггүй. 

Төлөвлөсөн худалдан авалтаа хойшлуулах эсвэл өөрийнхөө санхүүд тохирсон зүйлсийг худалдан авч болно гэдгийг ойлгох хэрэгтэй. Ихэнх хүмүүсийн эрч хүч сайнгүй байна. Од эрхэсийн холбоо ажил хэрэгт ч, хувийн амьдралд ч, эрүүл мэндийн байдал ч төдий л таатай нөлөө үзүүлэхгүй. Гэмтэх магадлал өндөр тул анхаарал болгоомжтой бай.

Share