2019 оны 10 дугаар сарын өрнийн зурхайг хүргэж байна.

Хонь

Энэ сарын эхээр ажилд орох эсвэл аяллаар явах гэж байгаа бол бүтээж чадна. Ажилдаа шаргуу хүмүүст их хэмжээний цалин хөлс, ажилд дэвших санал ирнэ. Албан тушаал эсвэл цалингийн өсөлт нь танд шагнал болно. Өсөн нэмэгдэж буй амьдралын эрч хүч, идэвхтэй байдал таны хувийн болон мэргэжлийн хөгжил цэцэглэлтэд ихээхэн дэмжлэг болно. 

Эрүүл мэнддээ анхаарлаа хандуул. Ажил хэргийн холбоо хайр дурлал болон хувирч болзошгүй. Шийдвэр гаргах гэж бүү яар. Энэ сарын дунд үед харилцан тохиролцох, буулт хийх шаардлага гарна. Шийдвэр гаргахаа түр хойшлуул. Үйл явдлаас хол ажиллах нь бүтээлч байдалд саадгүй байх болно. Буруу тоглоомонд бүү оролц. Олон нийтийн цуглаан, хэлэлцээрээ хойшлуул. Сарын сүүлээр эсрэг хүйсийн хүмүүстэй тогтоосон түншийн харьцаа маш үр дүнтэй байж, харилцан сэтгэл ханамж авчирна.

Ганц бие хүмүүст уулзалт сонирхолтой байх боловч удаан нөхөрлөхгүй танил хүлээж байна. Хэн нэгэн их ашигтай бизнесийн санал тавина. Ажлын үүрэг даалгавар, хувийн асуудалтай зөрчилдөнө. Олон зүйлийг хэтрүүлж хэрэглэх магадлалтай. Эрүүл мэнд болоод амьдралынхаа хэв маягт өөрчлөлт хийх нь зүйтэй. Гэр орныхоо тав тухыг сайжруулна.


Үхэр

Энэ сарын эхээр од эрхэс таны хайр сэтгэлийг ивээж байна. Хосууд бие биедээ туних ч удахгүй эвлэрнэ. Хэн нэгэн таныг мэхэлж магадгүй тул болгоомжтой бай. Зарим асуудалд гэнэн томоогүй, итгэмтгий байдлаар хандсанаас болж тээнэгэлзсэн байдалд орж болзошгүй. Бүтэлгүйтэхээс урьдчилан сэргийл. 

Энэ сарын дунд үед танд гэрийн ажил хийхэд амар байхгүй. Гэхдээ та сайн эцэг эх, гэрийн эзэн байна. Амьдралын эрч хүч өндөр түвшинд байх бөгөөд энэ нь таныг албан ажил болон хувийн амьдралд амжилт гаргах нөхцөлийг бүрдүүлж өгөх болно. Cэтгэл санааны тогтворгүй байдал нэмэгдэж болзошгүй. Тааламжгүй явдлууд, тооцоолоогүй зардлууд гарч мэднэ. Сарын сүүлээр аливаа асуудалд хэт туйлширсан байр сууринаас хандах нь удирдлага хамт ажиллагсадтайгаа санал бодол зөрөлдөхөд хүргэнэ. Бусдын ялангуяа туршлагатай мэргэжилтнүүдийн зөвлөгөөг сонс. 

Гэр бүл найз нөхдийнхөө дэмжлэгт итгэ. Гэр бүлийн хэн нэгэн эмчилгээ хийлгэж магадгүй. Үүнд өөр зүйлд зориулахаар хадгалсан мөнгөө зарцуулна. Гэхдээ эрүүл мэнд хамгаас чухал гэдгийг сана. Гэр бүлээ хайхралгүй орхиж огт болохгүй. Таны ойр дотнын хүмүүс бат бэх хайрыг хүсэж, шаардах болно.


Хамтатгах

Сарын эхэн үед том зүйлд санаа зовохоосоо илүү жижиг зүйлсийг сайн анхаар. Ингэснээр та бүх зүйлийг амархан хийж чадна. Хуучны анд нөхөд, танилуудтайгаа уулзах, тасарсан харьцаагаа сэргээх хүсэл төрөх магадлалтай. Өөртөө хэт их үүрэг оногдуулах эсвэл амжуулж чадахгүй зүйлээ амлах магадлал өндөр байна. Аль болох тайван, намдуу байхыг хичээх хэрэгтэй. 

Сарын дунд үед урьдчилан мэдрэх чадвар болон зөн билэг хүчтэй байна. Бусад хүмүүсийн үлдээсэн хэцүү даалгавар, төслийг авч манлайлан гүйцэтгэхээс айх хэрэггүй. Таны идэвх чармайлт үнэлэгдэх болно. Хүүхдүүддээ анхаарлаа хандуул. Хараа хяналт суларснаас болж нэлээд хэл аманд өртөх магадлалтай. Нөлөө бүхий хүмүүстэй үл ойлголцолд хүрэхгүйн тулд хэлэх үгээ сонгохдоо бодолтой байх хэрэгтэй. 

Сарын сүүл рүү таны эргэн тойрон дахь хүмүүс үл ойлгом түрэмгий эсвэл хүлцэнгүй ааш гаргаж магадгүй. Тайвширч, өөрийгөө зөв зам дээр зогсож байгаа гэдэгтээ итгэлтэй бай. Та дэмий санаа зовлоо гээд юу ч хийж чадахгүй тул аливаа асуудалд хийсвэр хандах хэрэггүй. Та сэтгэлийн хөдөлгөөн өндөртэй байх болно. Биеэ чагнах хэрэггүй. Адал явдал, зугаа цэнгэлд дурлах тул хувийн эрх чөлөөг хүсэмжилнэ.


Мэлхий

Энэ сарын эхээр бардам зангаа хэтрүүлэх, бусдыг хэт шүүмжлэх хэрэггүй. Аливаа нөхцөлд хянуур бай. Эрүүл мэндээ урьдчилан сэргийл. Дархлаагаа сайжруулах хэрэгтэй. Дотнын хүмүүсийнхээ эрүүл мэндэд анхаарал тавихыг од эрхэс сануулж байна. Тэмцэл зөрчилдөөнд оролцохгүй байх нь таны сэтгэл санаа, эрүүл мэндэд ашигтай. 

Сарын дундуур таны тэсвэр тэвчээрийг шалгах хэд хэдэн сорилтууд тулгарч болох ч бүтээмж өндөртэй байна. Та өрсөлдөөнд шилдэг нь байх болно. Наймаа арилжаа эрхлэн явуулж байгаа бол одоогийн зарцуулалтдаа анхаарал тавих хэрэгтэй. Зарлагаа хяналтаас гаргахгүй байлга. 

Сарын сүүлээр таныг буулт хийхийг шаардсан асуудал үүсэх магадлалтай. Харьцаа холбоогоо хянаж, тохиолдлын хүмүүстэй бүү танилц. Хэрүүл маргааныг удаан үргэлжлүүлэхгүйн тулд ухаалаг, уян хатан бай. Ямар нэгэн нийтийн ажиллагаанд оролцох нь оновчтой эсэхээ нягтал. Хайртай хүндээ аль болох  эелдэг хандаж, хэрвээ таарамжгүй байдал үүссэн бол хурцдуулахаас сэргийл. Ажилтай холбоотой асуудал үүсэж болох тул сонор сэрэмжтэй байх нь асуудлаас зайлсхийхэд тус болно.


Арслан

Энэ сарын эхээр ганц бие хүмүүс сонирхолтой хүнтэй танилцана. Гэвч энэ харьцаа удаан үргэлжлэхгүй. Адал явдал, зугаа цэнгэлд дуртай бол хувийн эрх чөлөө нь хязгаарлагдахад сэтгэл нь хямрах болно. Тэвчээргүй, уур уцаартай байдал тань төвөг удна. Ямар нэг уулзалтад оролцвол маргалдаан, зөрөлдөөн болоход бэлэн бай. Хувийн ажил хэрэг ба эрүүл мэндээ бэхжүүлэхэд сайн. 

Сарын дунд үед та машин механизм жолоодох болон хурц ирмэгтэй багаж хэрэгсэл ашиглах болбол маш болгоомжтой, ухаалаг хандах хэрэгтэй. Анхаарлаа сулруулж огтхон ч болохгүй. Яг одоогоор танд романтик харилцаа үгүйлэгдэж байна. Гэхдээ  хичээл зүтгэлийн үр дүн таныг гайхшруулна. Шинэ өөрчлөлтийг эхлүүлж хувийн харилцаандаа өөрчлөлт хий. 

Сарын сүүлээр дотнын хүнтэйгээ харьцах харьцаа найрсаг байна. Өөрийнхөө бие махбод болон оюун ухаанаа эерэг цэнэгээр цэнэглэ. Ганц бие хүмүүс хайртай учирч, романтик харилцаанаас таашаал авна. Худалдан авалт хийхдээ хямгатай бай. Гэр ахуйн төсөв халаасыг тэмтрэх болно.


Охин

Энэ сарын эхээр ганц бие хүмүүс шинэ хайр дурлалтай учирна. Романтик харилцаанаас өөртөө тохирох төгс нэгнийг олно. Болзоонд явахдаа өөрийнхөөрөө бай. Ахмад настай, бие султай хүмүүс эрүүл мэнд сайнгүй байх тул эмчийн хяналт болон эмээ таслахгүй байхад анхаар. Удирдах албан тушаалтан болон хамт ажиллагсадтайгаа зөрчилдөж болзошгүй. 

Сарын дунд үед гэр бүлийн хэрэгцээг нэн тэргүүнд тавь. Таны чармайлтын үр дүнд талархал ирнэ. Олон төрлийн санаанд оромгүй зүйлс тохионо. Хайр сэтгэлийн шинэ адал явдал айсуй. Шинэ хайр дурлал танд аз турших сэдлийн оч хаяна. Танд аз тохиох боловч хэт их хөөрвөл өөртөө гай авчирна. 

Сарын сүүлээр өөрийн итгэл үнэмшилд үнэнч байх нь аливаа ажил хэрэгт амжилт авчирна. Хүрсэн байр сууриа бэхжүүлж илүү зүйлд бүү шуна. Нийгмийн ажлуудад оролцох нь таныг идэвхтэй байлгана. Аяллын төлөвлөгөө хэрэгжиж магадгүй тул ачаа бараагаа бэлдэж эхэл. Таны хайр дурлалын харилцаа таатай байна. Энэ бол үр бүтээмжтэй, шинийг санаачлагч үе бөгөөд та өндөр амжилтад хүрэх чадвартай байх болно.


Жинлүүр

Энэ сарын эхээр хүмүүс танд урьдынхаасаа илүү татагдах дур булаам чанар илэрнэ. Таны бүхий л зүйл сайн байх тул сэтгэл гонсойх зүйл гарахгүй. Гэрээ хэлэлцээртэй холбоотой бичиг хэрэг эсвэл өмч хөрөнгөтэй холбоотой зар сурталчилгаа зэргийг илгээхээсээ өмнө сайтар шалга. Найз нөхөд, гэр бүлийнхэнтэйгээ харилцан яриа үүсгэх нь дотно харилцааг нэмэгдүүлнэ. Итгэж болмооргүй эсвэл шударга биш гэж сэжиглэж буй хүмүүсээс хол бай. 

Сарын дунд үед эрүүл мэндийн үзлэгт хамрагд. Хоол боловсруулах системээ анхаар. Ажлын газарт олон үйл явдал тохиох бөгөөд албан тушаалын санал эсвэл шагнал урамшуулал авч амжилтад хүрсэн юм шиг санагдана. Зугаа цэнгүүнд мөнгөө үрэхийн оронд ухаалаг зарцуулсан нь дээр. Од эрхсийн нөлөө таны мэдрэмжийг сэргээж, уран сэтгэмж, урам зоригийг нэмэгдүүлнэ. 

Сарын сүүлээр шинэ ажил дээр ажиллахдаа эргэлзэх хэрэггүй. Чухал алхам хийх нь таны нэр хүндийг тэргүүн байранд аваачна. Бусадтай харилцаа тогтооход эерэг уур амьсгал зонхилно. Гэр бүлийнхэн эсвэл найз нөхөд хамт олонтойгоо зугаацан цэнгэхэд таатай. Хайр дурлалын адал явдал ил болох болно. Хэрвээ та өөрийн дотоод сэтгэлээ илэрхийлэн гаргахдаа хэт ичимхий бол найзаасаа тусламж ав.


Хилэнц

Энэ сарын эхээр өөрийн өдөр тутмын ажил хэрэгтээ бага зэрэг өөрчлөлт оруулахыг хичээх хэрэгтэй. Хамт олны дунд төөрөгдөл үүсэж буруутан болж магад. Харин хувийн амьдралдаа амжилт олох магадлалтай. Амьдралынхаа чухал хүнд зориулж цаг гаргавал хайр дурлал тань гэрэлтэх төлөвтэй байна. Зөн билэг, мэдрэх чадвар их хүчтэй байна. 

Сарын дунд үед таны гаргасан зарим шийдвэрүүд сонирхолд нийцэхгүй байвал тэр шийдвэрээсээ татгалзахдаа бүү эргэлз. Өөрийн алхам бүрийг сайн төлөвлөх хэрэгтэй. Амжилтад бүү эргэлз. Харилцаа холбоо зарим ажлыг хойшлогдох эсвэл цуцлагдах нөхцөлийг үүсгэнэ. Гэрээ хэлэлцээр, ажлын уулзалтууд зэрэгт сөргөөр нөлөөлөх, үл ойлголцол үүсгэх байдлаас сэргийл. 

Сарын сүүлээр сэтгэл хөдлөлөөсөө болоод мөнгө үрэхээсээ болгоомжил. Бие махбодын хэт ачаалалтай ажил хийх нь осолтой. Ойр тойрныхоо хүмүүсийн саналыг анхаарахгүй, гомдоох магадлалтай байна. Өөртөө анхаарал тавьж, эрүүл мэндээ сайжруулахыг хичээ. Шинэ газар очиж, шинэ хүмүүстэй танилцахад тохиромжтой. Улс төрийн шинжтэй уулзалт таныг нэгдсэн компанит ажилд оролцоход хүргэнэ.


Нум

Сарын эхэн үед од эрхсийн таатай нөлөөгөөр танаас гайхалтай шинэ санаа, төлөвлөгөөнүүд урган гарах болно. Таны эрч хүч урам зориг өсөх тул мөрөөдлөө биелүүлэх ямар нэг алхам хийхэд маш таатай байх болно. Гэр бүл ойр дотнынхныгоо хайрлах эрч хүч ундарна. Найз нөхдийн шинэ хүрээлэл зүрх сэтгэлийн талархалтай байдлыг танд өгнө. 

Сарын дундуур эрүүл мэнддээ анхаарал тавих нь эн тэргүүний чухал байх цаг үе. Мөн зөрчилдөөнтэй байсан хүнтэйгээ буцаж эвлэрэхэд тохиромжтой үе тохиож байна. Зарим нэг зугаатай зүйлийг амьдралдаа оруулж ирснээс эрүүл мэнд сайжирч, ажиллах шинэ урам зоригоор бялхах болно. 

Энэ сарын сүүл рүү од эрхэс таны үнэ цэнтэй байдалд нөлөөлж байна. Өөрийгөө үнэлэх үнэлэмж болон хувиа хичээсэн зангийн ялгаа хэмжүүрийг заагла. Нөлөө бүхий хүрээллээс өөрт ашигтай мэдээллийг олж авна. Цалин өсөх, тушаал дэвших зэргээр ямар нэг зүйлд хувь нэмэр оруулсны тань шагналд олон боломжууд гарч ирнэ. Зарим нэг нь ирээдүйтэйгээ холбоотой ажил эсвэл аз мэдсэн үйл хэргээ амжилттай дуусгаж чадна.


Матар

Энэ сарын эхээр шинийг эрэлхийл. Гэртээ ганцаараа урвайж суух хэрэггүй. Та гадагш гарч олны үймээнд хутгалдан бужигна. Амбиц ихтэй хүмүүс шинэ сэргэг сургалтад хамрагдсанаар карьерт тань тустай байх болно. Эрх мэдлийн төлөө тэмцэж байгаа бол уран хурц хэл яриагаараа ялгарна. Бүтэлгүйтэх айдсаасаа болж заримдаа хойш ухрах хэдий ч айдастайгаа тэмцэн зоримог алхам хий. Анхааралтай байхгүй бол хэт их сэтгэл хөдлөл илүүдэл бүхнийг сүйрүүлэх магадлалтай. 

Сарын дунд үед зарим нэг санхүүгийн асуудлууд гарч, таны төлөвлөгөөг нураахаар байдал үүсгэж болзошгүй. Гэвч та хүчтэй хэвээр байна. Хайр дурлалын харилцаандаа болгоомжтой хандахыг зөвлөж байна. Санхүүгийн байдлаасаа эмээсэн айдас түгшүүрээ даван туулж чадвал бүх зүйл байх ёстой байрандаа очно. 

Сарын сүүлээр худалдаа хийх бол болгоомжтой байхыг анхааруулъя. Хүний үгээр явахаа болих хэрэгтэй. Амьдралын хэв маягаа өөрчлөх нь чухал байгаа бол энэ цаг мөчид хэрэгжүүл. Та буруу зуршлаа хаяж, эрүүл хоол хүнс хэрэглэ. Ажил мэргэжил тань танаас  анхаарал шаардах тул амьдралд стресс нэмнэ. Шинэ дэглэм эсвэл цагийн хуваарилалт өөрчлөлт нь эхэндээ уур уцаар авчрах ч шинэ нөхцөл байдал бий болсноор харин ч үр бүтээлтэй байх болно.


Хумх

Энэ сарын эхээр таны эрч хүч нэлээд буурна. Тиймээс алдагдсан эрч хүчээ нөхөж авахын тулд сайн амрахыг хичээ. Хайр дурлал, янаг амрагийн асуудалд хөнгөн хуумгай хандаж, яаран шийдвэр гаргаж болохгүй. Ганц бие хүмүүс ганц шөнийн жаргалаас болгоомжил. Хүүхдүүдтэй холбоотой асуудлууд гарна. Тэдний хэрэгцээнд гэр бүлийн төсвийн ихэнх хэсэг нь зарцуулагдана. 

Сарын дунд үед од эрхэс өөрийн болон дотнын хүмүүсийнхээ эрүүл мэндэд анхаарахыг зөвлөж байна. Биеийн хүчний ажил хийх ба цахилгаан багаж хэрэгсэлтэй ажиллахдаа болгоомжтой бай. Та орлогоо нэмэгдүүлж, санхүүгийн байдалдаа сэтгэл хангалуун болохыг хүсэж байгаа бол боловсролоо ахиулахыг эрхэмлээрэй. Сэтгэл санааг тань тайвшруулах дасгал хийвэл биеийн тань алжаалыг ч бас тайлах болно. 

Сарын сүүлээр хичээл зүтгэлээр олсон ажлаа үр дүнтэй болгохын тулд их хэмжээгээр үргэлжлүүлэн ажиллах хэрэгтэй болно. Хайр дурлалын хувьд танд сонирхолтой зүйл тохиолдохгүй учир од эрхэс энэ тал дээр анхаарлаа хандуулахгүй байхыг зөвлөж байна. Ганц бие хүмүүс хуурмаг харилцаа эргэн тойронд тань байна гэдгийг анхаар. Таны эсрэг ажиллаж байгаа хэн нэгнийг мэддэг бол тэдэнтэй ухаалгаар нүүр тулан уулзах нь танд ашигтай байх болно. Ахмад хүмүүс танд хэрэгтэй зөвлөгөө болон таны мухардалд ороод байсан асуудлын гарцыг зааж өгөх болно.


Загас

Энэ сарын эхэн үед од эрхэс холимог хандлагаар таны бодол санааны тэнцвэрийг сорино. Шинэ дэвшилт авчрах бизнесийн ба мэргэжлийн боломж завшаануудыг барьж авахын тулд соргог бай. Хайр дурлалдаа сэтгэл дундуур байгаа бол өөрөөсөө алдааг хай. Цаг үрсэн ашиггүй ажил, хортой хов живэнд автахаас болгоомжил. Үр хүүхдүүдтэйгээ цагийг өнгөрөө. Амьдрал богинохон учраас өөртөө хамааралтай хүмүүст цагаа зарцуул. Ганц бие хүмүүс хүсэж байсан хайраа олно. Энэ нь танд баяр баяслыг авчирна. 

Сарын дундуур худалдаа наймаанд мөнгө сайн олно. Гэхдээ мөнгөөр авч болдоггүй олон зүйл байдаг гэдгийг сана. Эцэг эхчүүд өсвөр насны хүүхдийн талаар санаа зовох бололтой. Сарын сүүл рүү бусадтай харилцан ярилцахдаа болгоомжтой бай. Нууц задруулж болзошгүй. 

Чөлөөт цаг гарвал найз нөхөд гэр бүлийнхэнтэйгээ хамт өнгөрүүл. Хүйтэн халууны зөрчлөөс харшил хөдөлвөл эрүүл мэндэд таагүй байдал үүснэ. Эрүүл мэнддээ анхаар. Дэмий зүйлд мөнгөө үрэхээс зайлсхий. Ялангуяа бусдад уруу татагдах болон буруу зуршилдаа автаж болохгүй.

Share