4 мянга гаруй цагдаагийн ба гал унтраах албаны ажилтнууд БНХАУ-ын Өвөр Монголын Өөртөө засах орны нутаг дэвсгэрт гарсан ойн түймрийг унтраахаар ажиллаж байгаа тухай "Синьхуа" агентлаг мэдээллээ.

Орон нутгийн цагаар бямба гарагийн 10 цагийн орчимд Их Хянганы районд түймэр гарсан байна. Дараа нь 17 цагийн үед “Ханьма” дархан цаазтай газарт түймрийн голомт илэрчээ. Удаан хугацаагаар хэт халж, ган болсны улмаас тус районд нөхцөл байдал хүндэрсэн байна. Цаг уурын албаны мэдээлснээр, түймрийг унтраахын тулд үүлэнд нөлөөлж хур тунадас оруулахаар орон нутгийн эрх баригчид төлөвлөж байгаа аж.



Эх сурвалж: МОНЦАМЭ агентлаг

Share