УИХ-ын 2021 оны хаврын ээлжит чуулган гуравдугаар сарын 15-наас долоодугаар сарын 8-ны өдрүүдэд хуралдаж өндөрлөсөн. Нийт хуралдааны хугацаа 317 цагт хүрч, 462 асуудал хэлэлцэн шийдвэрлэсэн байна.
УИХ-ын гишүүдийн чуулганд оролцсон ирцын талаарх мэдээллийг УИХ-ын Хэвлэл мэдээлэл, олон нийттэй харилцах хэлтсээс танилцууллаа.
Хаврын ээлжит чуулган нийт 34 удаа хуралдсанаас Ерөнхий сайд Л.Оюун-Эрдэнэ хамгийн олон буюу 19 удаа чөлөө авч хуралд оролцоогүй байна.
Харин дараах 8 гишүүн хаврын чуулганы хуралдаанд ямар нэгэн шалтгаангүй бүтэн оролцжээ.
- Г.Амартүвшин,
- Ё.Баатарбилэг,
- Т.Аюурсайхан,
- Б.Баярсайхан,
- Д.Ганбат,
- Б.Дэлгэрсайхан,
- Б.Пүрэвдорж,
- С.Чинзориг