Боксын олон улсын А зэрэглэлийн нээлттэй тэмцээн Тайланд улсын Бангкок хотноо болж өндөрлөлөө. Тус тэмцээнд оролцсон манай улсын тамирчин ОУХМ Б.Чинзориг 64 кг-д, ОУХМ Х.Энхдэлгэр 56 кг-д тус тус алтан медаль, Б.Мишээлт 60 кг-д өрсөлдөн хүрэл медаль хүртжээ.
Ингэснээр Гавьяат дасгалжуулагч Д.Батсүрэн дасгалжуулагчтай Монголын боксын шигшээ баг 2 алт, 1 хүрэл медальтайгаар тэмцээнд оролцсон 26 орны 30 багаас тэргүүн байрт шалгарчээ.
Эх орныхоо нэрийг дэлхийн сонорт дуулгаж, бахархам амжилт гаргасан шигшээ багийн дасгалжуулагч, тамирчиддаа баяр хүргэе.