Мексикийн шинээр сонгогдсон Ерөнхийлөгч Андрес Мануэль Лопез Обрадор ирэх 12 дугаар сард болох ерөнхийлөгчийн тангараг өргөх ёслолдоо АНУ-ын Ерөнхийлөгч Дональд Трампыг урина хэмээн пүрэв гарагт мэдэгдсэнийг “Синьхуа” агентлаг уламжлав.

“Мексик улсын АНУ-тай тогтоосон харилцаа онцгой чухал ач холбогдолтой билээ” гэж Лопез Обрадор хэвлэлийн бага хурлын үеэр сэтгүүлчдэд өгсөн ярилцлагадаа онцлон тэмдэглэсэн байна.

“Бид Д.Трампыг тангараг өргөх ёслолдоо урина. Манай хоёр улс бол хил залгаа оршдог найрсаг харилцаатай хөрш орнууд бөгөөд худалдаа, эдийн засгийн нягт харилцаатай билээ. Бид хөгжлийн төлөө хамтран ажиллахыг эрхэмлэдэг” гэж тэрбээр нэмж хэлжээ.

Эх сурвалж: МОНЦАМЭ агентлаг