Нийслэлийн МАН-ын хороо өнөөдөр хуралдаж, Д.Сумъяабазарыг Хотын даргад нэр дэвшүүлэхээр шийдвэрлэжээ. Д.Сумъяабазарын нэрийг нийслэлийн МАН-ын хорооноос дэвшүүлсэн бөгөөд хуралдаанд оролцсон нийслэлийн МАН-ын хорооны гишүүд 100 хувь дэмжсэн байна. Уг шийдвэрийг үргэлжлүүлэн МАН-ын Удирдах зөвлөл хэлэлцэнэ. Дэмжвэл Д.Сумъяабазар нь УИХ-ын гишүүнээсээ татгалзаж, Хотын даргад нэр дэвших юм.
Д.Сумъяабазар нь 2012, 2016 оны сонгуулиар УИХ-ын гишүүнээр сонгогдож, 2017-2020 онд УУХҮ-ийн сайдаар ажилласан. 2020 онд мөн УИХ-ын гишүүнээр сонгогдсон, нийслэлийн МАН-ын хорооны дарга юм. Мөн үндэсний бөхийн Монгол Улсын аварга цолтой.
Орон нутгийн сонгуулийн үр дүнд байгуулагдсан НИТХ маргааш анхдугаар хуралдаанаа хийж, НИТХ болон Хотын даргыг сонгоно.
109.56.13.245
Хариулах 2020.10.23
Arai ch dee!!
0 0