УИХ-ын чуулганы өнгөрсөн долоо хоногийн хуралдаанаар УИХ-ын даргыг огцруулах заалт бүхий УИХ, УИХ-ын дэгийн тухай хуульд нэмэлт өөрчлөлт оруулах тухай хуулийн төслийг баталж, энэ сарын 25-наас мөрдөж эхлэхээр болсон

Үүнтэй холбоотойгоор УИХ-ын гишүүн Л.Оюун-Эрдэнэ өнгөрсөн даваа гарагаас УИХ-ын даргыг огцруулахыг дэмжиж буй УИХ-ын гишүүдийн гарын үсгийн цуглуулж эхлээд буй юм.

Энэ талаараа УИХ-ын Л.Оюун-Эрдэнэ "УИХ-ын даргыг огцруулах бичиг дээр өнөөдрийн байдлаар 37 УИХ-ын гишүүн гарын үсэг зурсан. 38 болчихвол УИХ-д өргөн мэдүүлэх боломжтой болно.

Өмнөх бланк дээр 40 гишүүн гарын үсэг зурсан байсан ч хөдөө томилолтоор явж буй учир 2 гишүүнтэй холбогдож чадаагүй байна. Маргааш чуулган дээр таарах байх. Ингээд гишүүдийн гарын үсэг бүрдчихвэл баасан гарагийн өглөө 09.00 цагт албан бичгээ өргөн барина. Чуулган эхлэнгүүт Төрийн байгуулалтын байнгын хороог тус асуудлаар үдээс өмнөх чуулганы дараа хуралдуулах горимын санал гаргана. Тус байнгын хороо тогтоолын төслийг хэлэлцчихвэл баасан гарагийн үдээс хойшхи чуулганы хуралдаанаар УИХ-ын даргыг огцруулах эсэхийг нууц санал хураалтаар шийдэх горимын санал гаргах болно" хэмээлээ.