Хөтөлийн “Цемент шохой” ХК Улаанбаатар хотод терминал болон тээрмийн цогцолбор байгуулахад шаардагдах эхний ээлжийн санхүүжилтыг босгох зорилгоор хаалттай хүрээнд 100 төгрөгийн нэрлэсэн үнэ бүхий зургаан сая ширхэг энгийн хувьцаа нэмж гаргахаар шийдвэрлэсэн байна.
Компанийн ТУЗ-ийн энэхүү шийдвэрийг Санхүүгийн зохицуулах хороо хуралдаанаараа хэлэлцээд, нэмж гаргаж буй хувьцааг нийтэд санал болгохыг зөвшөөрсөн тул үнэт цаасны бүртгэлд бүртгэхээр боллоо. Мөн хуралдаанаар “Улаанбаатар хотын даатгал” ХХК-ийн хувь нийлүүлсэн хөрөнгийн хэмжээг 450 сая төгрөгөөр нэмэгдүүлж, таван тэрбум төгрөг болгон, компанийн бүтэц, бүртгэлд өөрчлөлт оруулжээ. Түүнчлэн хуралдаанаар, “Инвескор капитал” ХХК-д үнэт цаасны брокер, дилер, андеррайтерийн үйл ажиллагаа эрхлэх тусгай зөвшөөрөл шинээр олгож, “Завхан нөхөрлөл”, “Хужиртайн булгийн ундарга”, “Дэлгэрэн арвижих капитал” хадгаламж зээлийн хоршоодын тусгай зөвшөөрлийн хугацааг тус бүр гурван жилээр сунгажээ.