Өнгөрсөн сарын 18-нд Дорнод аймгийн Баянтүмэн сумын алдарт уяач Б зээ хүүгийнхээ үсний найранд зориулан хурдан дааганы уралдаан зохион байгуулжээ.

Энэ үеэр 2 нас 2 сартай хүүг аав нь дааганы жаахан эмээлэнд баглан уралдуулсан хэрэг гарсан байна. Тухайн үед зохион байгуулж байсан хүмүүс ч хүүгийн ээж ч түүнийг хориглож дийлээгүй ажээ. 

Уг асуудал нийгмийн сүлжээнд шуугиан тарихаас ч өмнө Аймгийн цагдаагийн газраас түүнийг зөрчлийн хуулийн дагуу торгосон байна. Мөн уралдааны зохион байгуулагч нар ч хурдан морины уралдаан зохион байгуулахыг хориглосон Аймгийн засаг даргын захирамжийг, хоёрдугаарт, Хүүхдийн эрхийг зөрчсөн ноцтой үйлдэл хийсэн гэдгээ хүлээн зөвшөөрсөн бөгөөд алдарт уяачийг ч мөн торгох арга хэмжээ авчээ.

Өмнө нь унаач хүүхдийн асуудал дэгдэж байсан ч ийм балчир насны хүүхдийг хүлж уралдуулсан тохиолдол гараагүй байна.

Share