Өмнөд Солонгосын парламентын сонгуулийн санал хураалт өнөөдөр коронавирусын халдвар тархсан зарим хотуудад эхэллээ. Халдвар тараах эрсдэлийг бууруулахын тулд Covid-19 өвчнөөр халдварласан нийт санал өгөх боломжтой 3000 гаруй өвчтөнгүүд, мөн тэднийг эмчилж байгаа эрүүл мэндийн 900 гаруй албан хаагч, эмч нар Сөүл болон Дэгү хотуудад тусгайлан бэлдсэн 8 санал авах байранд санал өгч байна.

Сонгуулийн санал авах өдөр хэдийгээр 4-р сарын 15-нд боловч санал авах байранд ирэх сонгогчидыг тоог бууруулахын тулд эрт санал авах боломжийг сонгогчид ашиглах байх хэмээн тус улсын сонгуулийн ерөнхий хороо үзэж 2 хоногийн өмнөөс санал хураалтыг эхлүүлж байна.
Нийт 3500 гаруй тооны санал авах байр эдгээр өдрүүдэд сонгогчидод нээлттэй байх юм байна.


Тус улсын Ерөнхийлөгч Мун Жэ-ин, гэргийн хамт амны хаалт, бээлий өмсөж саналаа өглөө. Бүх сонгогчид амны хаалт зүүж, гар ариутгагч хэрэглэж, бээлий өмсөж байна.

 Мөн санал авах байранд орохдоо биеийн халууныг нь хэмжиж, 37,5-аас дээш биеийн хэмтэй сонгогчдыг өөр байр руу оруулж байна.

Өмнөд Солонгост халдвар авсан хүний тоо 10,450. Нийт 7,117 хүмүүс эдгэрч, 3,125 хүн эмчлэгдэж байна. Нас барсан хүний тоо 208.

Share