Хятадын уулчин Ся Боюй дэлхийн хамгийн өндөр оргил болох Эверестийн оргилд хүрсэн анхны хиймэл хөлтэй уулчин болжээ. Энэ тухай Балбын Соёл, аялал жуулчлал, иргэний агаарын тээврийн яамнаас иш татан “Синьхуа” агентлаг мэдээлэв.

Өдгөө 70 настай уулчин Ся Боюй Непалын талаас Эверестийн оргилд хүрсэн анхны уулчин болсон бол түүний өмнө Шинэ Зеландын тамирчин Марк Инглис Түвдийн талаас Эверестийн оргилд хүрсэн анхны хоёр хөлгүй уулчин болж байжээ. М.Инглис тус оргилд 2006 онд хүрч байсан аж.

"Энэ удаагийх Эверестийн ноён оргилд гарах 5 дахь оролдлого юм" хэмээн Ся Боюй ууланд гарахаасаа өмнө сэтгүүлчдэд мэдэгдэж байжээ. Тэрбээр 1975 онд анх Эверестэд аялахдаа хөлөө хөлдөөсний улмаас тайруулж байжээ. Гэсэн хэдий ч түүний бүтэлгүйтэл урам зоригийг нь мохоогоогүй юм. Тэрбээр 2014, 2015 болон 2016 онуудад Эверестийн ноён оргилд гарахыг оролдож байсан хэдий ч цаг уурын таагүй нөхцөл байдал, газар хөдлөлт зэрэг хүчин зүйл түүнийг зорилгодоо хүрэхэд нь саад тотгор болж байсан аж.  



Share