Манай "Шинэ зууны араар тавилт" нийтлэлийн доор сэтгэгдэл үлдээсэн нэгэн залуугийн түүхийг хуваалцаж байна.
Миний танил залуу эхнэр рүү хааяа чат бичдэг байсан анхандаа "Энэ чинь гэр бүлийн зүгээр л найз надаас зөвлөгөө авсан юм" гэхэд нь "Эр хүн айлын эхнэр рүү ингэж чат бичдэггүй юм энэ чинь буруу" гэж хэлсэн. Тэгэхэд "Чи миний хувийн орон зай руу халдаж байна хүн өөрийн гэсэн орон зай байх ёстой" гээд утасныхаа пасс-ыг хүртэл өөрчилсөн.
Би арай тийм юм болохгүй гэж өөртөө итгүүлж эхнэр минь надад хайртай гэдэгт бат итгэж хайнга хандсаных нэг орой эхнэр "Бид 2 чатлаад илүү дотносоод байна буруу гэдгийг нь мэдэж байна. Би сэтгэл алдрах гээд байхаар нь ярилцаж байгаад харилцаагаа тасалчихлаа" гэсэн. Тэр үеэс хойш би эхнэрээ хайраар дутаасан юм байна гэдгийг маш сайн ойлгосон эхнэртээ гологдож байгаа юм байна юм л бол өөрийгөө тэр танилтай харилцуулж боддог. Эхнэр жоохон гуниглангүй байхыг хараад түүнийг бодож байна гэх зэрэг бодол шаналал байнга бодогдоно.
Эхнэртээ би хайртай ч, тавиад явуулах зориг байлаа ч 2 хүүхдийг минь тэр залуу хэзээ ч миний хайраар хайрлахгүй. Тийм болохоор эхнэрийгээ өөртөө эргэн дурлуулж энэ унтарсан галыг эргэн ноцоох, өөр хүн боддог эхнэрийн сэтгэлийг яаж буцаах вэ гэдэг хүндхэн үүрэгтэй байна. Бүх талаар эхнэрт буулт хийж юм болгонд загнуулж би юунд ч уурлах эрх байхгүй ёстой л эхнэрийн зөв гэдэг зарчмаар л явж байна. Би уурлана намайг уурласанд эхнэр уурлана миний буруу болно.
Ингээд бодохоор энэ амьдралд цэг тавьчихмаар ч юм шиг алс бөглүү хөдөө уурхай мал юм уу гадаад ганцаараа гараад таг чиг болмоор ч юм шиг, эсвэл машинаа барьж яваад огцом дарчмаар ч юм шиг бодол үе үе орж ирнэ ээ. Гэвч ард үлдэх 2 үр минь надгүйгээр, энэ амьтан яаж энэ хорвоог туулах бол гэж бодохоор үүрэг хариуцлага бодогдоно.
Яах ёстойгоо ойлгохгүй юм. Эхнэр одоо бол бид 2 харилцахгүй байгаа гэсэн хэрнээ утасны пасс энэ тэрээ одоо хэр нь нууна. Хүний итгэлийг ингэж алдчихаад, итгэлийг минь олж авах юу ч хийгээгүй байж "Надад итгэнэ үү байна уу өөрөө мэд" гэх нь намайг гэх огт сэтгэл үлдээгүй юм шиг санагддаг. Гэр бүл 2 хүүхдийнхээ төлөө л тэр харилцаандаа цэг тавьсан юм шиг бодогддог. Бидний харилцааг хамтран амьдрагч гэх үү, яг юу гэхийг нь ойлгохгүй байна.
Тэгэхдээ би бууж өгөхгүй эхнэр минь хэнээс ч илүү царайлаг, ажилсаг, 2 үрд минь хамгаас сайн ээж ийм хүнийг би алдахыг хүсээгүй. Эцэст нь залуус минь итгэл байгаад хайраар битгий нэг нэгтээ дутаагаарай. Өөртөө арчаатай бай, өөртөө цаг гарга. Эрчүүд ажил ажил гэж гүйсээр өөрийгөө голоход хүрсэн байна. Гэр бүлийн санхүүгийн асуудлаа битгий бүгдийг нь ганцаараа нуруун дээрээ үүр, ижил тэнцүү бай гэр орны ажлаа ч мөн ялгаагүй гэж л зөвлөх байна.
Яасан ч их юм биччихэв дээ. Энэ тухай би хэнд ч гав гэж нээж байгаагүй юм байна. Эрчүүд чинь ийм л бөглүү, шаналсан ч дотроо бэтгэрч явдаг улс. За, за залуусаа хайраар бие биенээ бүү дутаагаарай, хүүхэд бага өнчрүүлээрэй, хариуцлагаа ухамсарлаарай
Алдаж яваа нэгэн залуу????
59.153.114.20
Хариулах 2022.04.09
Надад ч гэсэн яг ийм зүйл тохиолдоод. Энэ талаар өөрийн түүхийг хуваалцмаар санагдлаа. Одоогоос 11 жилийн өмнө анх эхнэртэйгээ танилцаад хайрын баланд мансууран байхдаа энэ хорвоо дээр бид 2оос өөр жаргалтай хос үгүй байлаа. Хайрттайгаа хамт гадуур цагийг өнгөрөөж, хаа явсан газраа зургийг нь дарж түүний төлөө бүх зүйлээ зориулан, хайрт минь ч гэсэн миний гараас хөтлөн, намайг үнсээд л аз жаргалаар дүүрэн байлаа. Тэр минь нүүрэндээ инээмсэглэл тодруулан үргэлж инээж явдаг боловч тэр царайны цаана ямар их зүйлийг тэсэж тэвчиж өнгөрөөж ирснийг надад ярьж би дотроо "одоо энэ бүх зүйл ард үлдсэн чиний минь жаргах цаг ирсэн" гэж амалдаг байлаа. Гэрлээд удаагүй эхнэр минь хөл хүнд болж анхны хүүхдээ тэсэн ядан хүлээж байтал хүүхэд маань бага сартайдаа зулбаад бүтэлгүйтэв. Яагаад заавал бид 2т ийм зүйл тохиолдох гэж, эхнэр минь доошоо цус алдаад эмчийн үзлэг хийж байхад хүүхэд маань(эрхий хурууны хумсны толио шиг жижиг бөөрөнхий дөнгөж бүрэлдэж байсан тийм жаахан) гарахыг харах үнэхээр нүд хальтрам, зүрэх зүсэм байсан. Одоо ч энэ дүр зураг миний санаанаас огт гардаггүй. Энэ бүх зүйлсийн дараа эхнэр бид 2 төрсөн нутагтаа ирж амьдрахаар шийдэв. Нутагтаа ирээд өөрсдийн бяцхан бизнес хийж үзэв олигтой болсонгүй, ингэж явсаар хувийн хэд хэдэн компанид хот хөдөө янз бүрийн ажил хийсээр энэ хугацаанд 2 хүүхэдтэй болж 11 жил өнгөрчээ. Ажил хийж мөнгө олохоос өөр юмгүй эхнэрээ хайр халамжаар дутааж байжээ. Халамж гэдэг миний хувьд хүүхдүүдээ асарч тойлох, гэр орны ажлаас хийлцэх, хоол унд хийх гэх зэрэг төдийхнөөр бодож, хайр гэдэг хайртай гэж хэлэх, гараас нь хөтөлж явах, хол байвал утсаар ярих, дуртай зүйлсийг нь авч өгөх төдийхнөөр бодож эндүүрч явжээ. Энэ хугацаанд гадагшаа гарна гэж нилээд хэдэн улсын визнд орж нилээн мөнгө ч заржээ. Гол зорилго нь одоогийн энэ амьдралаа өөрчилж сайхан амьдрах. Гэвч би гэдэг хүн энэ бүх хугацаанд хажуудах амьдралын утга учир болсон эхнэрээ хайр халамжаар дутааж маш том алдаа гаргажээ. Анх танилцахдаа амалсан амлалтаа биелүүлж чадаагүй өдий хүрчээ. Амалсан амлалтандаа хүрэхгүй, хийж байгаа зүйлс нь бүтэлгүйтээд, хайр халамжаар дутаагаад ирвэл эмэгтэй хүний сэтгэл хөрдөг юм байна. Сүүлийн үед эхнэр маань жаахан шалтаг гарах тоолонд өмнөх таагүй дурсамж юу байна тэр бүгдийг сөхөж, над руу дайрч давшилж өөрийгөө хамгийн азгүй, намайг бүтэлгүй, арчаагүй доожоогүй бусад залуус шиг сэргэлэн биш, ямар ч мэдрэмжгүй, юу ч ярьдаггүй таг дуугүй гэж уурлах болов. Сүүлдээ бүр салъя гэж хэлдэг болсон. Өөр гайгүй залуу гараад ирвэл дагаад явна гэх утгатай үг хэлдэг болов. Бид 2ын дунд хэрүүл гэхээр зүйл бараг болдоггүй би ихэвчлэн дуугаа хурааж чимээгүй суудаг, эхнэртээ ганц муу үг ч хэлдэггүй хүн. Хэчнээн муу муухай үгээр миний зүрхийг зүсэж голдоо ортол гомдомоор болдог ч "энэ эмэгтэй миний нэг насны амьдралын хань, миний сонгосон амьдрал, 2 хөөрхөн хүүхдийн минь эх" гэх бодол бүх зүйлийг уучилхад хүрдэг. Бие биенээ уучилж, итгэж амьдрахгүй бол энэ богинохон амьдралд бид хэр удаан амьд байх билээ маргааш юу тохиолдхыг хэн ч таашгүй гэдэг бодлоор би эхнэртээ уурлахгүй, эхнэрээ уурлуулахгүй тайван амьдруулхыг хичээж ирсэн. Гэвч энэ бүхэн эмэгтэй хүний сэтгэлд хүрдэггүй юм байна. Архи тамхи авгай хүүхэнтэй орооцолдохгүй, гэр орны ажилдаа туслаад, хүүхдүүдээ асраад, хүнээс дор орчихгүй, гэдэс цатгалан, мөр бүтэн амьдрал гэдэг эмэгтэй хүний сэтгэлд бас л хүрдэггүй юм байна. Эцэст нь эмэгтэй хүнд байнга анхаарал хайр халамж, өчүүхэн жаахан ч гэсэн магтаал урам, гэнтийн бэлэг, сэтгэлээ онгойлгон ярилцах хэрэгтэй гэдгийг ухаарлаа. Эрэгтэй хүн ч гэсэн өөртөө анхаарч, амалснаа биелүүлж, зөв буруу ч хамаагүй санаа бодлоо илэрхийлж өөрт төрсөн мэдрэмжээ хуваалцаж байх хэрэгтэйг ухаарлаа. Энэ бүгдийг хэрэгжүүлхээр хичээж л явна даа. Эхнэрийхээ хөрсөн сэтгэлийг эргүүлхээр хичээж л явна даа.
1 0