Дөнгөж сая Чингэлтэй дүүргийн эрүүгийн хэргийн анхан шатны шүүхэд Монгол улсын 25 дахь С.Баярыг 30 хоног цагдан хорих эсэхийг хэлэлцэж нэг сар цагдан хорих шийдвэр гаргалаа. 

Тэрбээр Чингэлтэй дүүргийн эрүүгийн хэргийн анхан шатны шүүхийн байранд болж буй цагдан хорионы шүүх хуралд онлайнаар оролцсон юм.

 С.Баярыг  “Айвенхоу Майнз Монголия Инк” ХХК, “Айвенхоу Майнз Лимитед”, “Рио Тинто Интернэшнл Холдингс Лимитед” компанийн хооронд 2009 оны 10 дугаар сарын 6-ны өдөр байгуулсан хөрөнгө оруулалтын гэрээ, хувь нийлүүлэгчдийн гэрээ, 2015 оны 5 дугаар сарын 18-ны өдөр Далд уурхайн бүтээн байгуулалт, санхүүжилтийн төлөвлөгөөг батлахад нэр бүхий албан тушаалтнууд эрх мэдэл, албан тушаалын байдлаа урвуулан ашиглаж, илт хууль бус шийдвэр гаргаж, бусдад давуу байдал бий болгон хохирол учруулсан байж болзошгүй хэрэгт холбогдуулан яллагдагчаар татан цагдан хориод байгаа.

Ерөнхий сайд асан Ч.Сайханбилэгийг ч мөн түүний өмнө болсон анхан шатны шүүхээр 30 хоног цагдан хорихоор болсон юм. Түүнийг Дубайн гэрээтэй холбогдуулан ийнхүү шалгахаар болсон байна.



Share