(CNN) Энергийн ундаа хүний биеийг мэдэгдэхүйц сэргээж чаддаг ч сөрөг талыг нь мартаж болохгүй. Судлаачдын үзэж буйгаар энергийн ундаа нь хүний биед хор хөнөөлтэй орц найрлагатай аж.

АНУ-ын Зүрх Судлалын Нийгэмлэгээс өнгөрөгч лхагва гарагт гаргасан судалгаанаас үзэхэд каффейн агуулсан энергийн ундаанууд зүрхний үйл ажиллагаанд сөргөөр нөлөөлөөд зогсохгүй цусны даралтыг нэмэгдүүлдэг болохыг тогтоожээ.

АНУ-ын Анагаах ухаан болон эм зүйн их сургуулийн профессор Ж.Томас “Кафейн агуулсан  эмчилгээ болон зүрхний үйл ажиллагааг дэмжих эм тариа хийлгэдэг хүмүүс зүрхний шигдээс болон зүрхний хэм алдагдалд өртөж даамжраад үхлийн аюултайг  ч анхааруулжээ.  

Мансууруулах бодисоос ялгаатай нь энэ төрлийн нэмэлт, хэрэглээний бүтээгдэхүүнийг аюулгүй ажиллагааны шалгалтад заавал хамруулах шаардлагагүй байдаг нь түгшмээр. 

Гэвч дэлхийн нийтийн энергийн ундааны борлуулалт улам өссөөр байна. 2013 оноос хойш энергийн ундааны ашиг орлого 39 тэрбум долларт хүрээд байгаа бөгөөд 2021 он гэхэд мөнгөн дүн 61 тэрбум доллар болж өсөх магадлалтай юм. 

Дийлэнх энергийн ундаанууд их хэмжээний кафейн агуулсан байдгаас гадна сахар, B витаминаас эхлээд олон төрлийн нэмэлт витаминууд, Гуарана (зөвхөн Аризонад ургадаг ургамал), таурини буюу загас болон бусад маханд байдаг амин хүчил, L-carnitine гэх энергээр дамжуулан жин нэмэх гэх мэт зөвшөөрөгдсөн сэргээгч бодисууд агуулагддаг байна.

18 нас хүрээгүй хүүхдүүд болон жирэмсэн эхчүүд, кафейнд хэт мэдрэмтгий хүмүүс энергийн ундаанаас зайлсхийхийг мэргэжилтнүүд анхааруулсаар байна.

Энергийн ундаа уусаны дараа мэдэгдэхүйц зүрхний цохилт хурдсах ба хэтрүүлэн хэрэглэвэл стрессийн түвшинг нэмэгдүүлж, зүрхний хэм алдагдаж, цусны даралт өндөрсөөд зогсохгүй цусыг өтгөрүүлдэг болох нь батлагдсан байна.

Share