Зун бол хүссэн гоёл чимэглэлээ зүүгээд явж болох улирал. Зузаан куртка, малгай, бойтогноосоо салж зулайнаасаа хөлийн хуруугаа хүртэл ээмэг, бөгж, бодичэйн зүүсэн ч илүүдэх юмгүй чамин харагдана. Нарны гэрэлд гялтганах алтан гинж, бугуйвч, шагайн зүүлт гээд бүсгүй таныг чимэх гоёлоо амжиж сонгоорой. 

Шүрэн чулуутай алтан бөгж

Aurélie Bidermann

aureliebidermann.com    

$155.00

Цэвэр алтан, том шар бөгж зүүдэг цаг нэгэнт ард хоцорчээ. Энэхүү тод улаан чимэглэлтэй алтан бөгж зуны уур амьсгалыг төгс илэрхийлнэ.

Авангард сувдан бөгж

Meadowlark

net-a-porter.com    

$299.00      

Орчин үеийн хэв загвар агуулсан хэрнээ уран баримлын шинж бүхий энэ бөгжийг Шинэ Зеландын Meadowlark брэнд урлажээ. Ямар ч хувцаслалтад тохирох ба хэзээ ч уйтгартай харагдуулахгүй. Усанд норсон ч өнгөө алдаж, зэврэхгүй тул өдөржин зүүж болно. 

Өнгөлөг дун ээмэг

Artisans of IQ

artisansofiq.com    

$135.00            

Дун, болор хоёр энэ зуны хамгийн шилдэг трэнд болжээ. Тиймээс аль алинг нь хослуулсан унждаг ээмэг аваарай. Нью Йоркт дизайныг нь гаргаж Зүүн Өмнөд Азийн урчуудын гараар урласан энэхүү ээмэг задгай үдэшлэгт нимгэн урт даашинзтай хослуулбал төгс хослол болно.

Сувдан чимэглэлтэй алтан цагираг

Saskia Diez

net-a-porter.com    

$385.88            

Ажил, болзоо, үдэш, зуны хурим гээд алинд нь ч зүүж болохоор хэмжээтэй байгаа биз. Зун бол сувд нь ихэднэ гэж байхгүй улирал шүү дээ. 

Хонин нүдэн цэцэгтэй бөгж

Wilhelmina Garcia 

wilhelminagarcia.com    

€145.00            

Дотроо бяцхан гүнж хэвээрээ ч загварлаг, чамин зүйлсэд дуртай эмэгтэй танд энэ бөгж яг тохирно. Барселонд урласан энэхүү алтан бөгж зуны нар ээсэн өдөр таныг үнэхээр ялдам харагдуулна. 

Лолита хэлхээ ээмэг

Susan Alexandra

shopbop.com    

$80.50            

Susan Alexandra-гийн дахин давтагдашгүй, онцгой хэлхээ ээмэгнүүд танд таалагдах нь гарцаагүй. Тэр дундаа энэхүү интоортой ээмэг энэ зун таныг дэггүй, дур булаам харагдуулна. Уйтгартай гэж бодсон хувцастай үүнийг хослуулахад л хангалттай.

Неон бугуйвчууд

Alison Lou

shopbop.com    

$265.00            

Зуны улирлын хамгийн эрэлттэй материал болох хуванцар, шилнээс гарган авсан. Хөгжилтэй, өнгөлөг ийм бугуйвч энэ зун таныг хамгийн загварлаг харагдуулна гэхээр итгэж өгөхгүй л байна уу. Бүү эргэлз, туршаад үзээрэй.

Резинэн цагирган ээмэг

Madewell

shopbop.com    

$22.00            

Энэхүү резинэн ээмгийн өнгө цаанаасаа л баяр хөөр, таатай уур амьсгал цацруулна. Цагаан, нимгэн даашинз, эсвэл цэцэгтэй усны хувцастай хослуулаад үзээрэй. Бассейнын дэргэд коктейл уугаад л сууж баймаар санагдана гэдэгт эргэлзэхгүй байна. 

Дунгаар чимэглэсэн арьсан зүүлт

Ancient Greek Sandals

matchesfashion.com    

$43.00            

Биднийг дунд сургуульд байхад анклет буюу шагайн зүүлт трэнд болж байсан. Одоо эргэн ирж бид бүхнийг баярлууллаа. Ancient Greek Sandals брэндийн зөөлөн бор арьстай, далайн дун бүхий энэхүү зүүлтийг хараад далайн эргийн гүехэн усыг хөлөөрөө намируулж алхмаар санагдахгүй байна гэж үү. 

Шохойн өнгөтэй хатгадаг ээмэг

BaubleBar

shopbop.com    

$52.00            

Өнгөлөг гоёл чимэглэл авмаар байгаа ч хаанаас эхлэхээ мэдэхгүй байвал BaubleBar-ын эдгээр ээмгээс эхлээрэй. Өрөөснөөр нь зүүсэн ч болно, чихэндээ олон пийрсингтэй бол нэг дор зүүж, 80-аад оны электрик төрхийг бий болгоорой. 

Нэвт харагддаг неон гинж

Diana Broussard

shopbop.com    

$250.00            

Зориг муутай хүмүүст зориулаагүй гэдгийг эртхэн хэлэх нь зүйтэй болов уу. Энэхүү том хэмжээтэй шар неон өнгийн, резинэн бөмбөлгүүд хэлхсэн гинжийг товчтой цагаан цамц, эсвэл богино хар даашинзтай хослуулаад үзээрэй. 

Чихрэн бөгж

Ambush

farfetch.com    

$519.30            

Энэ оны Мет Гала-гийн сэдвийн хүрээнд энэхүү алтан суурьтай, мөнгөн гоёлтой бөгжийг чихрэн бөгжийг дуурайлган урлажээ. Хүүхэд насны дурсамж тань сэдрэв үү? Дэггүйтмээр санагдсан үедээ зүүхэд тохиромжтой. Дашрамд дурдахад, Ambush брэндийн гоёл чимэглэлээр Лэйди Гага, Канье Уэст тэргүүтэй алдартнууд ихээхэн гангардаг билээ.