Дэлхий дахинд энэ өдөр буюу гуравдугаар сарын 2-нд тохиосон онцлох үйл явдлуудаас хүргэж байна.
1444 оны энэ өдөр Албанийн язгуур угсаатнууд нийлж, Скандербергын бүлэг гэгчийг байгуулжээ.
1484 оны энэ өдөр Английн хаан III Ричард "Цэргийн сургууль"-ийг байгуулах шийдвэр гаргав.
1498 оны энэ өдөр алдарт аялагч Васко де Гама Мозамбикийн аралд хүрсэн анхны хүн болжээ.
1561 оны энэ өдөр Испанийн эзлэн түрэмгийлэгч Педро дел Кастийо Аргентины Мендоза хотын үндэс суурийг тавив.
1657 оны энэ өдөр Мейрекын их гал: Японы Эдо (одоогийн Токио) хотод гурван өдрийн турш гал гарсаны улмаас 100,000 хүн амиа алджээ.
1797 оны энэ өдөр Английн төв банк нэг болон хоёртын фунтын мөнгөн тэмдэгтийг гүйлгээнд нэвтрүүлэв.
1807 оны энэ өдөр АНУ-ын Конгресс боолуудыг худалдаалах, худалдах зорилгоор шинэ боол улсдаа нэвтрүүлэхийг хуулиар хоригложээ.
1825 оны энэ өдөр Карибын тэнгисийн дээрэмчин Роберто Кофреси эрх баригчдын эсрэг тулаанд ялалт байгуулсан сүүлийн далайн дээрэмчин болжээ.
1836 оны энэ өдөр Техасын хувьсгал: Бүгд найрамдах Техас улс Мексикээс тусгаар тогтносноо зарлав.
1855 оны энэ өдөр Оросын хаан ширээнд II Александер суужээ.
1882 оны энэ өдөр Уиндсорын шилтгээнд Их Британийн хатан хаан Викториагийн амь насанд халдахыг завдав. Уг халдлагыг Родерик МакЛийн гэгч үйлджээ.
1901 оны энэ өдөр Америкийн Карнегийн төмрийн компани болон Холбооны төмрийн компаниуд нэгдэж 1 тэрбумын хөрөнгөтэй анхны компани болов.
1903 оны энэ өдөр Монголын Засагт хан аймагт Манжийн эсрэг Ард Аюушийн хөдөлгөөн эхэлжээ.
1903 оны энэ өдөр зөвхөн эмэгтэйчүүдэд үйлчлэх зорилготой "Марта Вашингтон" зочид буудал үүдээ нээжээ.
1919 оны энэ өдөр коминтерний анхны хуралдаан ЗХУ-ын нийслэл Москва хотноо болов.
1946 оны энэ өдөр Умард Вьетнамын Ерөнхийлөгчөөр Хо Ши Мин сонгогджээ.
1949 оны энэ өдөр Америкийн нисэх хүчний ахмад Жеймс Галлагер B-50 өндөр хурдны онгоцоор 94 цаг 1 минутын туршид тасралтгүй нислэг үйлдсэн анхны хүн болжээ.
1955 оны энэ өдөр Кампучийн хаан Нородом Сиханук болон түүний эцэг Нородом Сурамарит нарын эрх ямбыг татан буулгаж, Кампуч бүгд найрамдах засаглалтай болов.
1956 оны энэ өдөр Марокко улс Францаас тусгаар тогтножээ.
1962 оны энэ өдөр Хойд Америкийн үндэсний сагсан бөмбөгийн холбоонд нэг тоглолтонд 100 оноо авсан рекорд амжилтыг Уильт Чембэрлин үзүүлжээ.
1965 оны энэ өдөр АНУ болон Өмнөд Вьетнамын агаарын хүчин хамтарч Умард Вьетнамын эсрэг цэргийн ажиллагааг эхлүүлэв.
1969 оны энэ өдөр Францын Түлуз хотод Англи-Францын хамтран зохион бүтээсэн "Конкорд" онгоцыг анх удаа туршжээ.
1972 оны энэ өдөр АНУ-ын Флорида мужийн Канаверал хошуунаас алсын гараг эрхэсийг судлах зорилготой "Пионер 10" хөлгийг хөөргөв.
1978 оны энэ өдөр Чехийн иргэн Владимир Ремек "Союз 28" хөлгөөр сансарт ниссэнээр Америк, Оросоос өөр улсын иргэн сансарт ниссэн анхны тохиолдол болжээ.
1983 оны энэ өдөр АНУ-ын зах зээлд "компакт диск" буюу CD-г анх удаа худалдаалж эхлэв. Өмнө нь зөвхөн Японы зах зээлд худалдагдаж байжээ.
1989 оны энэ өдөр Европын холбооны 12 улс нүүрстөрөгчийн давхар исэл ялгаруулалтыг бууруулахын тулд ийм бодис илрүүлдэг үйлдвэрлэлийг зогсоохоор тохиролцов.
1990 оны энэ өдөр Африкын үндэсний конгрессын дэд даргаар Нелсон Мандела сонгогдов.
1992 оны энэ өдөр Армени, Азербайжан, Казахстан, Киргизстан, Молдав, Сан Марино, Тажикистан, Туркмен, Узбек улсууд НҮБ-д гишүүнээр элсчээ.
1998 оны энэ өдөр Бархасбадь гарагийн дагуул Европаг судлах зорилготой Галилео хөлөг тус дагуулд усархаг өтгөн бодис, мөсний ул мөрийг илрүүлжээ.
2004 оны энэ өдөр Иракын дайн: Иракын Ашура тосгонд Аль-Кайда бүлэглэл халдлага үйлдэж 170 хүн амиа алдан, 500 гаруй хүн шархаджээ.
2017 оны энэ өдөр ОХУ-ын нийслэл Москва хотод болсон хуралдаанаар Московиум, Теннесин, Оганессон гэх бодисыг үелэх системд нэмэх шийдвэр гаргав.
Мөн энэ өдрийг:
Шри Ланка - Нисэх хүчний өдөр
Ливи - Жамахария өдөр
Мьянмар - Тариачдын өдөр
Этиоп - Адвагын тулаанд ялсан өдөр
Америкийн Нэгдсэн Улс - Техасын тусгаар тогтнолын өдөр хэмээн тус тус тэмдэглэн өнгөрөөдөг байна.