Дэлхий дахинд өнөөдөр буюу хоёрдугаар сарын 21-нд тохиосон онцлох үйл явдлуудаас хүргэж байна.
1613 оны энэ өдөр Оросын үндэсний ассемблей хаан ширээнд I Михайлийг суулгаснаар Хаант Орос улсад Романовын угсааны хаанчлал эхлэжээ.
1808 оны энэ өдөр Швед Финландад дайн зарласнаар Финландын дайн эхлэв. Уг дайнд Шведчүүд ялагдал хүлээж, газар нутгийн зүүн хэсгийн талыг Финландад буюу Оросод алдсан юм.
1842 оны энэ өдөр Америкийн зохион бүтээгч Жон Грийнау оёдлын машины анхны патентыг авчээ.
1848 оны энэ өдөр Карл Маркс болон Фридрих Энгельс нар алдарт "Эв хамт намын тунхаг" номоо хэвлүүлж байв.
1878 оны энэ өдөр АНУ-ын Коннектикут мужийн Нью Хавен хотод телефон холбооны компани анх удаагаа байгуулагджээ.
1916 оны энэ өдөр Дэлхийн нэгдүгээр дайн: Франц улсад Вердугийн тулаан эхэлжээ.
1925 оны энэ өдөр алдарт "Нью Йоркер" сэтгүүл анхны дугаараа эрхлэн гаргав.
1952 оны энэ өдөр Их Британийн Ерөнхий сайд Уинстон Черчиль бүх иргэдийг иргэний үнэмлэхтэй болгох шийдвэр гаргав.
- 1952 оны энэ өдөр Зүүн Пакистан буюу одоогийн Бангладеш улсын Дака хотод "Бенгал хэлний хөдөлгөөн" байгуулагджээ.
1965 оны энэ өдөр өнгөт арьстануудын эрхийн төлөө тэмцэгч "Малкольм Икс" Нью-Йорк хотын Абудон танхимд буудуулан амиа алджээ.
1972 оны энэ өдөр ЗХУ нисэгчгүй "Луна 20" хөлгийг саран дээр амжилттай газардуулав.
1995 оны энэ өдөр Канадын Саскатчеван мужийн Лидер тосгонд нисгэгч Стив Фоссетт агаарын бөмбөлөгтэй газарджээ. Ингэснээр тэрээр Номхон далайг агаарын бөмбөлөгтэй туулсан анхны хүн болсон юм.
Мөн энэ өдрийг:
- Вануату - Эцэг Линигийн өдөр
- Өмнөд Африк - Зэвсэгт хүчний өдөр
- Бангладеш - Хэлний хөдөлгөөний өдөр
- Филиппин - Мусикахан наадмын эхний өдөр хэмээн тус тус тэмдэглэн өнгөрүүлдэг байна. Бас өнөөдөр Олон улсын эх хэлний өдөр (ЮНЕСКО) тохиож байна.