Энэ сарын 26, 27-нд буюу мягмар, лхагва гарагт бүх нийтээр амарна. Тус өдрүүдэд нийслэлд автомашины дугаарын хязгаарлалт үйлчлэхгүй.

Харин энэ сарын 28-наас дугаарын хязгаарлалт хэвийн үргэлжилнэ.

Маргааш буюу 11 дүгээр сарын 26-нд Бүгд Найрамдах Улс тунхагласны, 27-нд Их эзэн Чингис хаан мэндэлсэн буюу "Монгол бахархал"-ын өдөр тохиож буй учир бүх нийтээр амарна. Дээрх өдрүүдэд зориулсан чансаа өндөр 128 бөхийн барилдаан хамт нэг өдөр буюу 11 дүгээр сарын 27-нд Буянт Ухаа цогцолборт болно.