Засгийн газрын өнөөдрийн хуралдаанаар энэ сард Франкфурт руу нэг нислэг нэмж үйлдэхээр шийдвэрлэв.

Тодруулбал,12 дугаар сард тусгай үүргийн 3 удаагийн нислэг үйлдэхээр товлоод байсан бол 4 болголоо.

Өнөөдрийн байдлаар эх орондоо ирэх хүсэлтэй 3,800 гаруй хүн байна. Үүнээс БНСУ-д 3,300, Европын улсуудад 250, АНУ-д 150, Австралид 100 орчим иргэн байна. 

Хөл хорионы дэглэм, тусгаарлах байрны боломжийг харгалзан 12 дугаар сард Токио, Сөүл хот руу тус бүр нэг,  Франкфурт чиглэлд  хоёр удаа тусгай үүргийн нислэг үйлдэхээр шийдвэрлэв. 

2020 оны 12 дугаар сарын 12-ны байдлаар улсын хэмжээнд 1,301 хүн тусгаарлах байранд байна. 70 гаруй зочид буудлын 32-ыг нь цаашид ашиглаж болно гэсэн дүгнэлт гарсан. Цаашид "Нэг хүн-Нэг өрөө", "Нэг өрх-Нэг өрөө" зарчмыг хатуу баримталж, зочид буудлын коридорт камер суурилуулан хөдөлгөөн гарсан тохиолдолд зарлан мэдээлэх систем бий болгож байна гэж Засгийн газраас мэдээллээ.

Франкфурт руу үйлдэх нэг нислэгийн тов тодорхой гараагүй байна.

Share