ЖДҮ-тэй холбоотой асуудлаар УИХ-ын гишүүн, ХХААХҮ-ийн сайд Б.Батзоригийг сайдын албан тушаалаас нь чөлөөлөх тогтоолын төслийг Ерөнхий сайд У.Хүрэлсүх өнөөдөр УИХ-ын даргад хүргүүлсэн. УИХ-ын чуулганы маргаашийн нэгдсэн хуралдаанаар уг асуудлыг хэлэлцэн шийдвэрлэнэ.

Тэгвэл өнөөдөр мөн дээрх асуудалтай холбоотойгоор Б.Батзоригийг УИХ-ын гишүүнээс нь түдгэлзүүлэх саналыг Прокуророос УИХ-д тавьжээ.

МАН-ын бүлэг өнөөдөр дээрх асуудлуудаар хуралдсан байна.

Энэ талаар МАН-ын бүлгийн дарга Д.Хаянхярваа мэдээлэл хийлээ.

Тэрээр "МАН-ын бүлэг өнөөдөр Б.Батзоригийг сайдын албан тушаалаас огцруулах асуудлыг хэлэлцэн дэмжлээ. УИХ-ын гишүүнээс түдгэлзүүлэх талаарх прокурорын бичгийг маргааш хэлэлцэнэ. 

Уг асуудлаар маргааш УИХ-ын ХХАА-н байнгын хороо 09.00 цагт, чуулганы нэгдсэн хуралдаанаар 11.00 цагт хэлэлцэнэ. Үүний дараа МАН-ын бүлэг дахин хуралдана. 

Гишүүнийг түдгэлзүүлэх талаарх Прокурорын саналыг 48 цагийн дотор хэлэлцэн шийдвэрлэх хуультай. Бид хуулийн хугацаанд багтаан асуудлыг шийдвэрлэх болно" хэмээн ярилаа.