ВАШИНГТОН. /TASS/. Худалдааны асуудлаар талуудын дунд санал зөрөлдөөн үүссэн хэдий ч АНУ, Хятадын худалдааны яриа хэлэлцээг үргэлжлүүлсээр байх болно хэмээн АНУ-ын Ерөнхийлөгч Дональд Трамп мэдэгджээ.  


“Хятад улс гэрээ байгуулахыг хүсэж байна. Хятад улс олон арван жил бидэнд шударга бус хандсан учир бидний хооронд санал зөрөлдөөн үүссэн” хэмээн тэрбээр хэлжээ. 

Харин шинжээч нар дэлхийн эдийн засаг худалдааны дайны золиос болж байна хэмээн бичсээр байна.

Хятадын 325 тэрбум ам.доллар бүхий бараа бүтээгдэхүүнд 25 хувийн татвар ногдуулах тухай шийдвэрийг АНУ хараахан гаргаагүй байгааг тэрбээр онцлон тэмдэглэсэн юм.


Эх сурвалж: Монцамэ агентлаг