УИХ-ын чуулганы нэгдсэн хуралдаанаар ХХААХҮ-ийн сайдаар Ч.Улааныг томилох эсэх асуудлыг хэлэлцэн шийдвэрлэлээ.
Хуралдааны төгсгөлд УИХ-ын гишүүн Ч.Улааныг Засгийн газрын гишүүн, ХХААХҮ-ийн сайдаар томилохыг дэмжиж байна гэсэн томъёоллоор санал хураахад хуралдаанд оролцсон гишүүдийн 94.5 хувь нь дэмжив.
Ингэснээр Ч.Улаан ХХААХҮ-ийн сайдаар томилогдлоо.
ХХААХҮ-ийн сайд Б.Батзориг ЖДҮ-тэй нэр холбогдсон гэх үндэслэлээр албан тушаалаасаа чөлөөлөгдөх өргөдлөө өгснөөр тус яам өнөөг хүртэл сайдгүй байсан юм.
Ч.Улаан нь инженер-эдийн засагч мэргэжилтэй, докторын зэрэгтэй. 1977-1985 онд Улсын төлөвлөгөөний комисст мэргэжилтэн, 1985-1990 онд МАХН-ын Төв Хороонд зааварлагч, тасгийн эрхлэгч, 1992-1996 онд Монгол Улсын сайд бөгөөд Үндэсний хөгжлийн газрын дарга, 2000-2004 онд Санхүү, эдийн засгийн сайд, 2004-2006 онд Засгийн газрын гишүүн-Шадар сайд, 2007-2008, 2012-2014 онд Сангийн сайдаар тус тус ажиллаж байсан бөгөөд 1996 оноос хойш Улсын Их Хурлын гишүүнээр сонгогдон ажиллаж буй юм.
122.201.22.173
Хариулах 2019.01.11
yooy ene metees uur bolovsroltoi shinechlel avchrah zaluus heregtei bnashdee Ulaanaa guai zaluu ehnerteigee saihan amidraad pensiondee garldaa
0 0