Холливудын оддыг зургаа авахуулахдаа хэрхэн "поз" авах вэ гэдгийг нь хэдэн арван мэргэжилтэн зөвлөдөг. Шинэ жилийн үдэшлэг, хүлээн авалтууд хаяанд ирсэн энэ үед тэдгээр мэргэжилтнүүдийн зөвлөж буй бүсгүй таныг үнэ цэнэтэй, бие галбирын хувьд төгс харагдуулах шалгарсан 12 "поз"-ыг хүргэж байна.


1. Сэнжтэй аяга

Энэ нь маш эмэгтэйлэг, сонгодог харагдуулдаг "поз" юм.  Нэг мөрөө бага зэрэг урагшаа болгож тухайн мөрөн талын гараа шулуун унжуулна. Нөгөө гараа ташаандаа авснаар сэнжтэй аяга шиг хэлбэр үүсгэнэ. Энэ нь бүсгүй таны бэлхүүсийг илүү тодотгож өгдөг. 



2. Анжелина зогсолт

Алдарт жүжигчин Анжелина Жолигийн үндсэн поз. Дараах байдлаар зогсож, бага зэрэг инээмсэглэнэ. Хэрэв таны хувцас жигд өнгөтэй биш, нуруу намхан бол энэ позыг бүү ашиглаарай.



3. Хагас хазайлт

Хөлдөө мөрний хэмжээтэй зай аваад биеээрээ бага зэрэг хазайна. Энэ нь богино болон албан хувцаслалтад тохиромжтой бөгөөд хөлийн байрлал чухал. Хэт богино юбкатай үед зохимжгүй.



4. Хоёр гар ташаанд

Энэ нь өөртөө бүрэн итгэлтэй шинжийг илэрхийлдэг. Хоёр гараа бэлхүүс дээрээ тавин мөрөө бага зэрэг өргөнө. Энэ зогсолт нь таныг өөртөө итгэлтэй харагдуулахаас гадна зүүсэн гоёл чимэглэл, өмссөн хувцас, нуруу, бэлхүүс гээд бүх л зүйлсийг тань тодотнож сайхан харагдуулдаг. Гүйцэтгэл хялбар энэ поз нь ямар ч нөхцөлд хүн бүрт тохиромжтой байдаг.


5. Биеэ хагас эргүүлэн эргэж харах

Чигээрээ явж байхад араас чинь хэн нэгэн дуудсан мэт аажмаар эргэж харж буй энэ поз нь таны бэлхүүсийг илүү нарийн харагдуулдаг.



6. Хоёр гараа унжуулах

Энэ нь харахад болон гүйцэтгэхэд маш энгийн боловч таны хувцасыг илүү тодруулж, биеийн харьцааг зохистой харагдуулдаг. Хэт богино юбкатай үед тохиромжгүй



7. Элсэн цаг

Нэг гараа бүсэлхийндээ авч, нөгөө гараа доош нь сул унжуулах ба гараа ташаандаа авсан талынхаа хөлийг нөгөө хөлнөөсөө бага зэрэг урд тавина. Энэ зогсолт нь таны хөлний асуудлыг нууж, урт харагдуулах бөгөөд бүх хувцас дээр зохицдог. Гол анхаарах зүйл нь нуруугаа тэгш байлгах юм.


8. Хоёр гараа урдаа авах

Энэ нь маш энгийн боловч таныг загварлаг хирнээ даруухан,  хөлийг тань нарийхан, урт харагдуулдаг. Хэт богино даашинзтай үед тохиромжгүй бөгөөд ичгүүртэй харагдуулна.


9. Хажуу тийш харан нуруугаа хотойлгох

Нуруугаа хотойлгож, хажуу тийш харах энэ поз нь таны өгзөг, нурууг илүү тодруулж, галбирлаг харагдуулна


10. Мөрөө өргөх

Харагдах талынхаа мөрийг бага зэрэг өргөн нуруугаараа харна. Энэ нь мөн таны өгзөг, нурууг тодотгодог бөгөөд та нүдний харц өөртөө итгэлтэй, өгүүлэмжтэй байх нь чухал. 


11. Алхаж буй мэт зогсох

Алхаж байгаа мэт харагдах энэ зогсолт нь таныг ер бусийн бөгөөд байнга эрэлхийлж, аливааг дуустал нь хийдэг, хичээл зүтгэлтэй харагдуулна. Мөн хажуу талаасаа таны хөлийг урт нарийхан харагдуулдаг. Хэрэв таны хөл ил гараагүй хувцас өмссөн бол тийм ч тохиромжтой биш.



12. Анхны алхам

Энэ нь Виктория Бэкхэмийн үндсэн поз юм. Камер руу хагас эргэж, зүүн хөлөө гадагш нь хагас эргүүлж урагш тавина. Ингэснээр сэтгэл хөдлөлийн гайхалтай дүр төрхийг илтгэдэг ба таныг илүү нарийхан харагдахад тусалдаг. Нарийн мөртэй лийрэн хэлбэртэй хүмүүст тохиромжгүй.