2018 оны нэгдүгээр улирлын байдлаар банк бус санхүүгийн салбарын нийт актив 1,046 тэрбум төгрөгт хүрлээ. Энэ нь 2017 оны эхний улирлын үзүүлэлтээс 31.5  хувиар буюу 251 тэрбум төгрөгөөр өссөн дүн юм.

Санхүүгийн зохицуулах хорооноос тус салбарт явуулж буй чадавхжуулах бодлогыг ББСБ-ууд сайн ханган биелүүлж, үр дүнд хүрч буйг дээрх өсөлтийн үзүүлэлт нотлон харуулж байна. Учир нь уг өсөлтөд ББСБ-уудын өөрийн хөрөнгө 53.1 тэрбум төгрөгөөр буюу 7 хувиар, хувь нийлүүлсэн хөрөнгө 50.1 тэрбум төгрөгөөр буюу 8.40 хувиар өссөн нь тус тус голлон нөлөөлжээ.