Авто Тээврийн Үндэсний төвийн тээврийн хэрэгслийн бүртгэлийн бүх төрлийн үйлчилгээг цогцолборт шилжүүлж, импортын машины бүртгэлийг зөвхөн авто худалдааны цогцолбор дээр бүртгэх шийдвэр гарсан.

Авто Худалдааны Цогцолбор дээр 6375 авто зогсоолтой. Зогсоол түрээслэгчдэд энэ оны 10 сарын 01-ийг хүртэл авто зогсоолын түрээсийн төлбөрөөс чөлөөлөх хөнгөлөлттэй. 

Нийслэлийн газрын албанаас зориулалтын бус газарт автомашины худалдаа эрхэлж буй цэгүүдэд үйл ажиллагаагаа хаах мэдэгдэл өгсөн. Хотын төвийн зургаан дүүрэгт автомашины худалдаа, эрхэлдэг есөн зах, 102 цэг байдаг. Газраа зориулалтын бусаар ашигладаг нэгдсэн зохион байгуулалт байхгүй, зөвшөөрөлгүй үйл ажиллагаа явуулж байсныг нүүлгэн шилжүүлэхээр боллоо. Эдгээр цэгүүдээс автомашиныг авто цогцолбор уруу шилжүүлэх замын маршрут гарсан. Энэ сарын  23-27-ны өдрүүдэд 10-16 цагийн хооронд дугааргүй автомашин БЗД-ээс уулын замаар, БГД-ээс Нарны зам, Яармаг, Сонсголонгийн замаар тухайн тээврийн хэрэгслийн гаалийн бичиг, жолоодох үнэмлэхтэй зорчино. Энэ талаар 93020111, 93021124 гэсэн замын хөдөлгөөний зохицуулах төвийн утсаар лавлаж тодруулж болно.

Share