ВАШИНГТОН. /АР/. Disney” компанийн уран бүтээл "Avengers: Endgame" кино нээлтээ хийснээсээ хойш хамгийн хурдан хугацаанд буюу 11 хоногийн дотор хоёр тэрбум ам.долларын ашиг олжээ.

Энтони Руссо болон Жо Руссо нарын найруулсан энэхүү кино нь нээлтийнхээ үеэр хамгийн их ашиг олсон /1.209 тэрбум ам.доллар/ киногоор шалгарсан бөгөөд хоёр дахь долоо хоногтоо дахин шинэ амжилт тогтоожээ. Хамгийн хурдан хугацаанд хоёр тэрбум ам.долларын ашиг олсон кинонуудын жагсаалтад мөн “Marvel” цувралын “Infinity War”  кино багтдаг юм. 

Түүнчлэн "Avengers: Endgame" кино нь Хятадын зах зээлээс хамгийн их ашиг /576 сая ам.доллар/ олсон гадаадын киногоор шалгарчээ. Үүний зэрэгцээ Индонез, Малайз, Филиппин, Вьетнам, Тайланд, Египет, Этиоп, Ойрхи Дорнод, Оман, Катар, Саудын Араб, Украин, Арабын Нэгдсэн Эмират, Турк, Мексик, Колумби, Төв Америк болон Парагвай улсын киноны салбарын дээд амжилтыг хэдийнэ эвдээд байгаа ажээ.

Эх сурвалж: Монцамэ агентлаг