Улаанбаатар хотын Захирагчийн ажлын албанаас 2019 онд Ард Аюушийн өргөн чөлөө буюу Саппорогийн уулзвараас хойш Өргөө кинотеатрын уулзвар хүртэлх зам дагуу 1350 ширхэг бортоготой гацуур мод тарьсан.

Энэ онд 1.6 км урт уг замын голын булеварын ногоон байгууламж дагуу иргэдэд зориулсан явган хүний зам, сандал, хогийн сав, троссон хашлага бүхий иж бүрэн тохижилт бүтээн байгуулалтын ажлыг хийж байна. Нийт 5925 м.кв явган зам, 4700м троссон хашлага хийнэ.

Өчигдөр энэ тохижилтийн бүтээн байгуулалтын ажлыг нийслэлийн Засаг дарга С.Амарсайхан, Улаанбаатар хотын Ерөнхий менежер Т.Гантөмөр нар шалгаж, гүйцэтгэгч компанийн ажилчидтай уулзав. Гүйцэтгэгчээр “Охь мандал” компани ажиллаж байгаа буй. Бүтээн байгуулалтын ажил тавдугаар сарын 15-н гэхэд дуусна гэдгийг холбогдох албаны хүмүүст хэлсэн юм.

Share