Коронавирусийн нөхцөл байдлын талаар Эрүүл мэндийн яамнаас 17:00 цагт ээлжит мэдээллээ хийлээ.
ХӨСҮТ-ийн Тандалт судалгааны албаны дарга А.Амбасэлмаа "Өнөөдрийн 11:00 цагаас хойш Сэлэнгэ аймагт бүртгэгдсэн тохиолдлуудын хавьтал болсон нийт 53 хүнд шинжилгээ хийхэд 13 хүнээс коронавирус илэрлээ Зургаан хүн эдгэрсэн.
Дотоодын голомтуудыг тодруулбал,
- Дархан-Уул аймагт 11
- Орхон аймагт 13,
- Дорноговь аймагт 1,
- Говьсүмбэр аймагт 1,
- Сэлэнгэ аймагт 41
- Улаанбаатар төмөр замын харъяаны 4
- Улаанбаатарт бүртгэгдсэн голомтод 14 буюу нийт 85 тохиолдол бүртгэгдээд байна.
Улмаар Монгол Улсад бүртгэгдсэн коронавирусийн нийт тохиолдол 518 боллоо. Үүнээс 335 нь эдгэрснээс сувиллын ажиглалтад 23, гэрийн ажиглалтад 2 хүн байна. Нийт 310 хүний ажиглалт, тандалтын хугацаа дууссан. 7 хүн нутаг буцсан.
ХӨСҮТ-д батлагдсан 176 тохиолдол эмчлэгдэж байна. Нэг хүний биеийн байдал хүнд, 37 хүн хүндэвтэр, 140 хүн хөнгөн байна. ХӨСҮТ-д нийт 182 хүн ажиглалт тандалт эмчилгээнд байна" хэмээлээ.